لا ياجبل (مكتوبة) - باسم الكربلائي
منذ ٤ سنوات١.٧Kمشاهده
لطمية لا ياجبل مكتوبة
الرادود باسم الكربلائي
لا يا جبل تِكْسرني بِنْكِسارَكْ
عاذِرْتَك اَبْلا چلمة اِعتذارَكْ
أشهَدلك ابطول الزَّمَن
ما قصَّرِت يا بالحسَن
ابعينك أصِد لِيلُـو الدّمِع تكوَّر
بس مِن نزل چنّه العقيق الأحمَر
من تعتِذر يوجَعني ضلعي أكثَر
و أقسِم قسَم ما قَصَّرِت يحيدَر
ضلعي اْو جنيني اْو كل هظم جِرالي
أهْوَن عَليْ من دمْعِـتَـك يغالي !
و إنته اللّي بِسْنِيني المُضَنْ
ما قصَّرِت يا بالحسَن
عِشرة عُمُر ما زعَّلِتني لحْظه
حان الأجل كون الجِفن أغمضه
آنه اعتِذر يوم اللّي ضلعي رَضَّه
ما صِحْتِ إلَك لاچن صحِت يفضَّه
ما ردْت أحَشْمَك يا علي اْو تِجيني
( فَقَـد وَ ربِّي أسْقطُوا جَنيني )
يكفي اللّي شِفته ابهالمِحَن
ما قصَّرِت يا بالحسَن
بالمُغتَسَل متني التشوفه أزرَگ
اهناك اتْـعَـرِف شِتْحَمَّـلِت مِنَ الطّگ
بيّه جرح طول الدّهر مَيِعْـتَگ
كِـظ اِلصبر لا عنّك ايتفـرّگ
يا حيدر ابوكْتِ الغِسُـل أريدك
تصبر لمَن ضلعي تجِيسه بيدَك
مِش دَمْعَـكِ اْو شِدِّ الچِفَن
ما قصَّرِت يا بالحسَن
كسْر الضلِع هَيِّن يحيدر أمْرَه
بس الگلب يصعَب عليَّه كسره
يالناظِـرَك بركان يرمي جمره
و امْن الزّعَل عينك شِفتها حمره
أدري الجرالي يا علي يِألْمَك
اْو ما دامك إنته ابخير لا يِهَمَّـك
اعليمَن بعد تبچي اْو لِمَن؟
ما قصَّرِت يا بالحسَن
نَشْفِ الدَّمع لا اِتْهِمَّك الجِنايه
فِدوَه إلك خل تكثر الرزايه
ليَّه الشرَف أتحمّل البَلايه
اْو لجْلَك صرِت شَهِيدَةِ الوِلايه
عندي يقين اْو راسخه العقيده
ابحبّك إذا أموت أنحْسِب شهيده
و المُلتقه ابجنَّة عَدن
ما قصَّرِت يا بالحسَن
گلها اْو بِچه چي خِنْگته الوصيَّه
متني هِـدَل ثوبي ثِگل عليَّه
آنه علي الـ كلشي صُبَح بِديَّه
إلا الدَّمِع مو بيدي يالزچيّه !
ابّيتي يزهره اْو شِفتِچ انهُظمتي
أقسِم عليچ ابزينب اِبْري ذِمتي
اتگلّه اْو مدامعها جِرَن
ما قصَّرِت يا بالحسَن
لو ما النبي و اِوْصيِّته الشَّريفه
چان السِّمه أطبُگها عالسَّقيفه
يا فاطمه بس النَّفِس عَفيفه
ابعيني القَـذه و أصبُر عله الخليفه
گالته له سيفك أدري لو تِجرَّد
من الأذان ايْروح إسِم محمَّـد
لولاك چا عِبْدَوا وثَنْ
ما قصَّرِت يا بالحسَن
التعلیقات