أحزاني ماتنساني (مكتوبة) - قحطان البديري
منذ ٤ سنوات٦١٥مشاهده
لطمية أحزاني ماتنساني مكتوبة
الرادود قحطان البدیري
آنه الإمام السجاد
و أحزاني ماتنساني
أحزاني من زغري ربیت اویاها
لا هیه تنساني و لا أنساها
قصة مصابي بکربلا تلگاها
عذبني دهري یا ناس
و بکربلا اشراواني
لا لا تلوموني اعله دمع اعیوني
لا لا تلوموني اعله دمع اعیوني
خلوني أموت امن الحزن خلوني
یا ناس من السوط سوده امتوني
من أجلي مخلوق النوح
ماتنطفي نیراني
تتجاره عبراتي لقتیل العبره
بعیوني شاهدت الشمر حز نحره
و أنظر عشر خیّاله تسحگ صدره
سیف الگطع نحر حسین
لدرب السبي وداني
بخیامي و اخیامي عَلي حرگوها
و بالخیل کل أیتامنه سحگوها
و اگبالي عمتي زینب ایضربوها
و اتذکرت نار الباب
من وجروا صیواني
هدّمت حیلي علّتي المخفیه
بس آني و النسوان لاذت بیّه
و الهاشمیه أصبحت مسبیه
أمي البتول و یا حیف
بیده الشمر جرّاني
و لا واحد امن أهل الغیاره یمّي
امن السلسله یا خلگ ینزف دمي
آنه الهظمني الشمر من سب أمي
شتّم علي و الزهراء
و أجري الدمع خلّاني
آنه عله افراش الأجل صحت بصوت
اخذ العمر أهلاً و سهلاً یا موت
أبچي اعله أبویه حته و آني بتابوت
بلحدي و أنوح اعله حسین
ماتنگضي أحزاني
التعلیقات