يابعد اختك (مكتوبة) - محمد الجنامي
منذ ٣ سنوات١.١Kمشاهده
لطمية يابعد اختك مكتوبة
الرادود محمد الجنامي
مشتاگتلك يعيون أختك
ارحم روحي المشتاگه
بيني وبينك كلمة وينك
ماتت كلمة نتلاگه
وإبروح مشيول
بعيوني شايلتك
ماقصرت وياي
تسلم يبعد أختك
عباس يابعد أختك
زينب آنه وياهو المثلي
عدها العباس خيمه
ذيج أيامي من چنت أعطش
يم أخته إيصير غيمه
اكبر من الطف عاطفته
مو بالرايه امحجب اخته
بروح الخوه
وحي الغيره ال بالطف يوحي
كاتب خيمة زينب روحي
وكله امروه
ظلت ريحة چفه أبچفّي
وبعيوني الكون هيمه
وإتذكرته ابليل الغربه
إيضوي أيامي إحتاجيته
وچي بي ريحة چف الغالي
ارماد الخيمه أشتميته
ودالي عذره ابريح
جاوبته عاذرتك
ماقصرت وياي
تسلم يبعد أختك
عباس يابعد اختك
ظلت عيني أدّوّر وجهك
وأدموعي اعليك تسأل
تدري ابزينب عالم عفّه
وماتركب نوگ هزّل
ريت العين أتودع شوفي
ولاشفت أكبالك~ بچفوفي
يشدوون أحبال
وأتعذر من عندي احساسك
دوّرتك شفتك بس راسك
يبچي إعله الحال
حي ميت متكفل زينب
وناصبلي العين محمل
من ودعتك يم الشاطي
بچيت الشاطي اومايه
حسيت اچفوفك خجلانه
مني ولاذن بالرايه
مو بيدي ياعباس
مجبوره ودعتك
ماقصرت وياي
تسلم يبعد اختك
عباس يابعد أختك
الأخت التفگد كلمة خويه
مهضومه أتعيش تدري
من فارگتك محنيه امشي
وبعدك مكسور ظهري
مشتاگتلك ياحنّيتي
شوفة وجهك كل عافيتي
يا اغله انسان
غصن الخوّه ابدونك يذبل
ياعباس ومن يتحمل
فگد الخوّان
جرحك اكبر من أسنيني
اودعت اوياك عمري
ليش الموت إيدور الغالي
ويكسر خاطر احبابه
المثلك يسكن بعيون أخته
گبرك هنيال أترابه
اتنفس ابذكراك
مالحظه فارگتك
ماقصرت وياي
تسلم يبعد أختك
عباس يابعد أختك
يابو العشره الكلها امروه
وفيت اوياي دينك
اشلونچ زينب محتاجتها
منك تنگال وينك
راحت بعدك راحت بالي
هم تدري ابّعدك يالغالي
كبرني اسنين
مو زينب ذيج التعرفها
كبرانه ويتراجف چفها
شيّبها حسين
ملح افراگك نام ابعيني
وسهرانه اخلاف عينك
ظليت ابچي الفگدك حد
مابين شيبي ابدمعاتي
وداعة طيبة گلبك عايش
ليل انهار ابصفناتي
كلما اشوف الماي
يحچيلي عن بختك
ماقصرت وياي
تسلم يبعد اختك
عباس يابعد اختك
التعلیقات