عشرة عمر - فيديو (مكتوبة) - محمد الجنامي
منذ ٤ سنوات٢.٧Kمشاهده
|1
محرم الحرام 1442
لطمية عشرة عمر مكتوبة
الرادود محمد الجنامي
خمسين عام امن
البچي ياعيني
عشرة عمر بين
الدموع اوبيني
معذوره لو تعمين
عگب حسيني
ياعيني
خمسين عام امن الدمع
ينحسب عمر اعيوني
وما عافني حتى ابوكت
بيه اخوتي عافوني
لوليت لدموعي لحد
ماشيبن بجفوني
آنه الچنت أم الصبر
وأم البچي إيسموني
من الزغر گبل
السبي ع الناگه
يوميه آنه أودمعتي
نتلاگه
حسرات گلبي اكبر
امن اسنيني ياعيني
خمسين عام وكربله
راوتني شيء ماشفته
امن الخيمه للتل طلعتي
عمر الخدر ودعته
اركض وادور عن اخو
خيل العِده ساحگته
وأستغربت حتى السمه
العباس شافوا إخته
ياناس بالله أتصوروا
هالمنظر
حرمه أبعمر خمسين
عام وتعثر
إشما التفت منحر أخو
إيلاگيني ياعيني
خمسين عام أمعاشره
وجه الحسين وصبحه
وتالي شفت سيف الشمر
جدام عيني إيذبحه
حاولت أمنعه بس طحت
لمن دفعني ابرمحه
اتمنيت اشم نحر الأخو
خلاني أشمن جرحه
وهنا كبرت وشيبي
لاح ابروحي
وبعمر نوحي إنقاس
عمر أجروحي
دنياي ليش أبغربتي
أتخليني ياعيني
خمسين عام أبهيبتي
العباس بيه أتكفل
تاليها أمشي أميسره
لا كافلي ولا محمل
وأبعمري ياحرمه إنسبت
ركبت النوگ الهزل
بحجابي غطيت الدمع
خفت أبوفاضل يزعل
أكبر هضيمه الغرب
شافت طولي
روس أخوتي إعله
أرماحهم يبچولي
حچي الشماته بالسبي
إيبچيني ياعيني
خمسين عام آنه وطن
ما غربتني أيامي
والله زمن درب السبي
تسحگ عليه اجدامي
الهاضمني مچتوفه ابحبل
وآنه أبأخير أعوامي
إثمانين طفله أبذمتي
وخيمه صرت ليتامي
تعبانه بس مابينت
تعبانه
مثل الجبل إخت
أبوفاضل آنه
راسه أعله راس الرمح
ويواسيني ياعيني
خمسين عام وچم جرح
مر وصعب نسيانه
والشام دنيا من القهر
ماتنّسي أحزانه
خمسين الف مره متت
من حچه إيزيد أويانه
هو إبن مَن ياخلگ
وآنه أدخل أبديوانه
عگب اخوتي دار
الزمان أعليه
هند أبقصر وآنه
أصبحت مسبيه
والدهر بعد الشفته
شيراويني ياعيني
التعلیقات