وجه الفجر (مكتوبة) - محمد الجنامي
منذ ٣ سنوات٧١٩مشاهده
لطمية وجه الفجر مكتوبة
الرادود محمد الجنامي
مر بيه يا وجه الفجر
ليل البعد أذاني
بغيابك آنه ودمعتي
واحد يواسي الثاني
عنك اسولف وأحتار
وأتخوصر اباب الدار
ليل البعد أذاني
اتوضيت بدموع الصبر
والذكرياتك صليت
يالماشي بدروب الهجر
مني أشخذت واشخليت
حنيتلك مدري اشكثر
معقوله الي ماحنيت
من كثر ما مشتاگه الك
اشبگ ابحيطان البيت
وديتلك ويه الهوى
آخر انفاس ابريتي
يالعافيه ويوم الرحت
ودعت كل عافيتي
بغيابك اجروحي اكبار
واتخوصر اباب الدار
ليل البعد أذاني
وجهت وجهي الكل جرح
عنك سألني اشلونه
يلگه الجواب ابسكتتي
ووجهي التغير لونه
اشحال الأخذ منه الزمن
ناس ابغلاة اعيونه
والما يشم ريحة هله
ميت ترى ايسمونه
خليتني ابطرگ البچي
والدمعه والحنيه
تكسر الخاطر لو نعت
تدري بنعي البدويه
والنار ماتطفي النار
واتخوصر اباب الدار
ليل البعد أذاني
مليت من كلمة مشوا
والدرب مابي جيّه
امشي و إيديه أعله الظهر
من فرگتك محنيه
لا بيه اروح الكربله
و إعله البعد ما بيه
روحي اويه شمعة وحشتك
ذبلت اشويه اشويه
خيط ابشمع روحي صفت
والنار كلمة وينك
عطشانه ملگه ارويحتي
وتريد شوفة عينك
ماعندي منك اخبار
واتخوصر اباب الدار
ليل البعد أذاني
كل مغربيه الخاطرك
دعوة گلب ادعبها
ياربي سهل رجعته
كلمه ابفطرتي احچيها
ماادري راسك ع الرمح
وأضلوعك امهشميها
وحدها زينبكم اجت
سوط الشمر حانيها
گواچ الله أعله التعب
گلتلها وين أخوانچ
گالت اجيت ابلا اخو
وأتذبحت شبانچ
اتگلي الزمن بيه اندار
وأتخوصر اباب الدار
ليل البعد أذاني
لو ما أشمك اختنگ
انت الهوى يحسيني
مادام مارديت الي
ماريد باقي اسنيني
اتمنيتك ابآخر نفس
چفك يغمض عيني
جنّاز ردتك يالولد
للمگبره اتوديني
تبقى الجنازه ابلا متن
لو ناسها عنها ابعاد
تدروني آنه ام اربعه
بس دفنتي ابلايه اولاد
للناس صارت تذكار
وأتخوصر اباب الدار
ليل البعد أذاني
التعلیقات