ظليت ادورلك نعش (مكتوبة) - محمد الجنامي
منذ ٣ سنوات٧٥٥مشاهده
لطمية ظليت ادورلك نعش مكتوبة
الرادود محمد الجنامي
چانت صلاة الليل .. يم نحرك
وأمسح اثر للخيل .. عن صدرك
يوليدي وبليل اهدعش
ظليت ادورلك نعش
وأمسح اثر للخيل عن صدرك
آه يبني
ابهدوة الليل اعتنيتك امشي گوّه
آه يبني
وابچي يم نحرك وأگولن بلكي يروه
آه يبني
أمّ واشوف أبني إنذبح يچوي الرمل خده
وابسهم المثلّث لگيت آثار من چبده
بعيني تصيح الدمعه لِتلالي
اسم الله عليك حسين يالغالي
خدك عله الرمله انفرش
امّك وادورلك نعش
وأمسح اثر للخيل عن صدرك
حسين يُمه
ليش ماي النهر مابلّل اشفافك
حسين يُمه
وليش ذبّاحك سليب الجسد عافك
من حرگوا اخيامك خفت جمره چوت نحرك
فوگ العطش چم حافر الظل يهشم ابصدرك
آه يبني
محنيه شلت اعمامتك بيدي
وما أدري راسك وين يوليدي
أبنحرك الطبرات اثنعش
امك وادورلك نعش
وأمسح أثر للخيل عن صدرك
ارد أشبگك
شلون اشبگك والسهام اعليك صوبين
ارد اشبگك
وخايفه الچم جروحك يبني يحسين
ارد اشبگك
وشما ردت احفر گبر ضلعي يأذيني
يوليدي لو بيدي اخلي گبرك ابعيني
جسمك وذر لميته بچفوفي
الخنصر لگيته وإنعمه شوفي
ابخدي اشكثر چفي خمش
امك وادورلك نعش
وامسح اثر للخيل عن صدرك
يا اوليدي
ليش يعيوني الحوافر دولبت بيك
يا جرح ياذيك گلي حتى اداويك
امسح بديه شيبتك يالشيبتك حمره
افراگ الولد يابوعلي ما ينجبر كسره
دم ابچي وآنه سطرتي ابعيني
شيبني وكتي ابذبحة حسيني
المنحره ياسيف انتهش
امك وادورلك نعش
وأمسح أثر للخيل عن صدرك
وين زينب
لاتناشدني اعله حال الهاشميه
وين زينب
اختك ابلا خيمه باتتها المسيه
وين زينب
والليل مايرحم حرم مفگود واليها
باچر تروح ابيا وضع والشمر يسبيها
باچر سكينه اتروح للكوفه
هي ورقيه ابحبل مچتوفه
من السبي فكري اندهش
امك وادورلك نعش
وأمسح اثر للخيل عن صدرك
التعلیقات