يقال انها (مكتوبة) - محمد الجنامي

 

 

يُقال إنّها كُلّما تَنَفَّستْ تَألّمَتْ
يُقال إنّها كُلّما تَنَفَّستْ تَألّمَتْ

يُحكى بأن چانت مره من اهل المدينه وحرّه
علويّـــه والــدهـا نبـي سيّـد الكــون بــأسـره
گالـــوا ضلعها بي كسر وكسر الضلع شيجبره
ناشدت عنــها اهل الدمع گالولي هاي الزهره
عَلى ضِلعِهَاْ بِالأسى مَدامعِيْ تَلاطَمَتْ

اقره بمصايب فاطمة وعالوجن يمطر دمعي
كلمـــا تصَـلّي النافلة مــوّتني يـــارب تـدعي
لو رادت اتــشمّ الهـوه صيـحتها آه يا ضلعي
ترجــف اديـها مـن الألم وتگعد تنوح وتنعي
أَلا يا تُرِى فاطِمٌ بِأيِّ ذَنبٍ قُتِلَت

يگلـــها علـــــي يافاطــمه شلــونچ يــنسمة ريتــي
بس گومي امشي بمنزلي وهاچ اخذي من عافيتي
آنـــه القـــلع باب الحِــصن وتارس العــالَم صيــتي
تاليــها بابــي يــحترگ ويــنكسر ضلــع اُم بيــــتي
آيا غُربَتِي صَرخَتي لِماْ جرَى لهَا عَلَتْ

يـم راسها يدعــي الحسم والدمع يمها يضمّه
من طلعت امه فاطمه شاف المصيبه العظمه
خالي الزُقاق وبي سمع بوجه الزچيه اللـطمه
وذاك الزراگ البالجفن كلمــــا يشوفه يهضمه
فماذا جَنَتْ فَاطِمٌ بوجهِها إذْ لُطِمَتْ

وِحسيـــن يـــمها ينـــحني ويقبّـل برجليها
يالكسّروا منّچ ضلع ضلوعي هذنّي اخذيها
اسمالله تگلّه يالولد اعله ضلوعك وطاريها
زينب تشوف بكربله تسحگ الخيل اعليـها
عَلى كَربلا بِالبُكا حَياْتُها قَدْ خُتِمَتْ

 

للشاعر: كرار حسين الكربلائي