المهدي حاضر بالزياره (مكتوبة) - محمد الجنامي
منذ ٣ سنوات٧٦٧مشاهده
لطمية المهدي حاضر بالزياره مكتوبة
الرادود محمد الجنامي
لجل عينك عفت كلشي
خطر گالوا ~ گلت امشي
رفعت الرايه وأهتف يالغيارىٰ
الإمام المهدي حاضر بالزياره
الزياره عقيده
شرفنه وفخرنه
انعرفها عظيمه
ابفضلها كبرنه
إلهك علينه
فرضها وكتبها
اليطوفك يطوفه
ويحبه اليحبها
ابألف حجه جدك
علينه حسبها
اليجي ايزورك اخذ اجره
الف حجه و الف عمره
اليجي بلهفه
يحسّب بأنتظاره
الإمام المهدي
حاضر بالزياره
علينه المخاطر
ابد مو جديده
گبلنه اليزورك
يگطعوله ايده
ضريبه علينه
عدوك فرضها
نطينه ذهبنه
قصدنه حفظها
ادينه اگطعوها
ومحبتك عوضها
اليلزمونه ويخيرونه
منو المنه يذبحونه
ويسمعونه نردد
هالعباره
الإمام المهدي
حاضر بالزياره
شواهد كثيره
ونسولف حقائق
انطردنه انسجنه
وصعدنه المشانق
رغم هذا احنه
بقينه اعله دربك
انذبحنه ونردد
نحبك نحبك
ثبتنه يقائد صدگ
احنه شعبك
حسب حكمه صرت بالطف
لإن تدري إلك نزحف
يغالي مصرعك
ربك اختاره
الإمام المهدي
حاضر بالزياره
مجازر مقابر
جماعيه شفنه
وبقينه نزورك
فداءك هتفنه
ابذبح ما وگفنه
ومشيناها غيره
المرض شنهو حتى
يوگف المسيره
اليعوف الزياره
ضعيف البصيره
المرض شنهو
الدوى اترابك
يباب الله
ندگ بابك
ونعرفك ما تخلينه
حيارىٰ
الإمام المهدي
حاضر بالزياره
إذا ما أجينه
العقيله اشنگلها
نواسيها لازم
نخفف حملها
نعين العقيله
ابمصاب اربعينك
تدور وتنادي
يبو اليمه وينك
اجيتك يخويه
د مدلي ايدينك
يخويه اگعد إجوا ناسك
أنه الجسمك جبت راسك
ظهر زينب
يعاين إنكساره
الإمام المهدي
حاضر بالزياره
ابدمعنه اجينه
نلاگي السبيه
ونگلها اشخبرها
العزيزه رقيه
يبو اليمه يذبح
جواب الغريبه
تنادي رقيه
خذتها المصيبه
يخويه جبتلك
ثياب الحبيبه
هضم ماتت يرجواها
ابخرابتهم دفنّاها
وعليها الهالوكت
ما تطفىٰ ناره
الإمام المهدي
حاضر بالزياره
التعلیقات