حَنّيتْ إلك (مكتوبة) - محمد الجنامي
منذ ٣ سنوات١.٤Kمشاهده
لطمية حَنّيتْ إلك مكتوبة
الرادود محمد الجنامي
ابدرب السبي اشتاگیت..الوجهك يبعد البيت
حَنّيتْ إلك حَنّيتْ..عـبدالله يـبني
ورمحك بعيد اهواي..يالماشربت الماي
مويمي بس وياي..عـبدالله يـبني
آخر عهد منّ ارجعت بالخیمه شاهدیتك
لوليت الك خاطر تفز وكلّك دمه لگيتك
وصار الصياح من العدو ومسبيه ودّعيتك
وكل راس خلّوه ابرمح ومن حسرتي بجيتك
رمحك اشوفه اچبير ونحرك ييمه ازغير
حگه دلیلی ایحیر عـبدالله يـبني
محتاره يبني ابهاي لو توگع ابممشاي
مو يَمّي بس وياي..عـبدالله يـبني
ومشينه وانت اعلى الرمح عن عيني ويبعدونك
ياغصن ريحان الشمس باگت سواد عيونك
خدك ترف شفته انجرح بحجارة ويضربونك
شفافك امذبلها العطش المن تغيّر لونك
مشتاگه وانت بعيد وللشبگه حضني يريد
لتظن دمعتي اتهيد عـبدالله يـبني
من وني يبچي الناي وهاج الالم بحشاي
مو يَمّي بس وياي..عـبدالله يـبني
مرات ما ابچي و اون اسكت وانت ابالي
وانظر الزينب حايره ولن حالها من حالي
وابلا شعور اركض الك وانظر الحره اگبالي
اتگي مشه وبس راسه ظل مو هذا مهده الخالي
اسمعها تبچي ابصوت عبدالله شابع موت
ورمحك عليه ايفوت عـبدالله يـبني
عينك تصد عيناي واجروحي حيل اهواي
مو يَمّي بس وياي..عـبدالله يـبني
والشمر ينظر دمعتي الگلبي جرح احساسه
يجيب الرمح ويلاعبه يمي و تهوس ناسه
واركض عليه خوفي تگع مو هذا جسمك داسه
ويگلي هذا ابنچ علي تبچين اطيّح راسه
ومهدك احطّه هناك لو توگع اتلگاك
واقرالك و انعاك عـبدالله يـبني
عگبك فقدت الراي واليا بلد مسراي
مو يَمّي بس وياي..عـبدالله يـبني
یمته یجن لیل السبي وتنزل ييمّه بحضني
واقره دلّلول الولد عبدالله يمشيّبني
امك لچن من فرگتك يوليدي اميتّمني
شيب السبي ابوجهك طلع وخلاك اكبر مني
طولك تشوفه الناس يم عمك العباس
خدك يفوح الياس عـبدالله يـبني
ردتك تظل حماي الكبري وهظم بلواي
مو يَمّي بس وياي..عـبدالله يـبني
وباچر اردّ الکربله الجسمك اون وانعه
ابچيك لو ابچي عله السحگت الخيل ابضلعه
ماصارت ابهذا الزمن اروي الرضيع ابدمعه
وسهم المثلّث ياعلي ابنّص الگلب ويلوعه
عگبك حياتي تدور بس يبني جمره تفور
كل يوم الي عاشور عـبدالله يـبني
يعيش السهم بچلاي مدفون وانت دواي
مو يَمّي بس وياي..عـبدالله يـبني
التعلیقات