السلام على أم البنين الطاهرة (مكتوبة) - باسم الكربلائي
منذ ٣ سنوات٤.٥Kمشاهده
لطمية السلام على أم البنين الطاهرة مكتوبة
الرادود باسم الكربلائي
السلامُ على أم البنينِ الطاهره
على الوفّـت عهدهه للزچـيّه
بأقمار أربـــعــه بالغاضـريّه
على أم الوفه الحرة الأبـيّـه
ننادي بكل صباح وكل مسيّه
السلامُ على أم البدور الزاهره
على الطوّل صبرهه ومدمع العيـن
على إلي ما رحمهه بگطعـتـه البين
على الروح البقت منتظره الحسين
نسلم عالنجــيــبــه الوفّــت الديــن
السلامُ على أم الوفه والمفخره
على نـبــع المحنّــه الدمــع نازل
على أم عباس وأخوانه البواسل
على الحرّه الگلبهه همــوم شايل
نگول شما نزور إحنه أبو فاضل
السلامُ على نبع الحنان ومصدره
على النذرت ورد تزرع دربهم
لون رب العرش إلهـه يردهم
على الماشافت البَسمه بعدهم
تصيح وبالگلب لوعـة فگدهم
السلامُ على الشافعه دنيه وآخره
على السمعت بشر بن حذلم اشگال
البقـيّـه في حــياتــچ يَمْ الأبــطــال
غدت صرعه بنـيــنچ فــوگ الإرمال
وتگله حسين ويـــنــه والحزن طال
السلامُ على التتوسد الليله الثره
على الفگد السبط گوّض صبرهه
بحيث من الحزن كاسر ظهرهه
عگب ما عرفت بمصرع گمرهه
بحسين إنتهت فرحة عمرهه
السلامُ على الوفّت عهدهه لحيدره
على البَعد السبي زينب إجتهه
وعلى فراگ الهواشم گابلتهه
نعي يتبع نعي ومن صبّرتهه
بگمر عدنان زينـــب ذكّرَتْـهَه
السلامُ على الظلّت حزينه إمناطره
التعلیقات