مو فرات (مكتوبة) - باسم الكربلائي
الشاعر : السيد عبدالخالق المحنة
مو فرات ضميرك أسن
مو فرات جزائك دفن
تمنع مايك عن طفل
ضامي يمك ينقتل
مو فرات
منشأ الماي وعطش تعرفها صعبة
والفرض لخيامة تمشي وما تتعبة
وافتخر عالدنيا لو مايك يشربة
والله لو منك اضل اجري اعلى قلبة
بلله ليش . إمام السمه
بلله ليش . يقتله الضمه
باجر حتما تنسأل
ضامي يمك ينقتل
مو فرات
******
من سمعته ناده ضامي ما اجيته
والله لو عندك وفا مايك بجيته
عينه مشبوحه الك حته ابمنيته
ضلتك المن بعد يالما رويته
عن حسين . مسافة شبر
عن حسين . يمنعك شمر
عذرك عدمن ينقبل!
ضامي يمك ينقتل
مو فرات
******
من إجه راعي العلم ناشف وريده
ماطحت بيده تريد ايمدلك إيده
انته منهو ولجلك يدنك تريده
هوه دنكلك لجل يروي عضيده
من رماك . إهانة ودرس
من رماك . يريدك تحس
هوه الذلك بالفعل
ضامي يمك ينقتل
مو فرات
******
من رمه الماي ومشه شو ماتبعته
ولا رحت تتعذره يم خيمة إخته
والمصيبة لمن انصابت جربته
ضل يباوعلك ولا جنك عرفته
مايشوف . عماه السهم
مايشوف . بعيده الخيم
وانته تريده مايصل
ضامي يمك ينقتل
مو فرات
******
من علي الاكبر عطش لونه تغير
تدري من كثر الضمه لسانه تفطر
وانته تجري وماتحس ابجمرة الحر
من عمت عينك إذا ما تروي الاكبر
بإختصار . اشوفك ذنب
بإختصار . ابد مو عذب
شفته وتكدر تحتمل
ضامي يمك ينقتل
مو فرات
******
من اجه عبدالله ضامي وانته شفته
بحضن ابو يتكلب وتجري دمعته
طلع ايده من الكماط اوتنظر انته
ظنه ماي وينشرب مو دم ركبته
ست شهور . ذبحته وعشت
ست شهور . عسنك متت
ظالم ذنبك مو سهل
ضامي يمك ينقتل
مو فرااات
التعلیقات