من خلف الباب (مكتوبة) - باسم الكربلائي
منذ سنتين٤٤٥مشاهده
لطمية من خلف الباب مكتوبة
الرادود باسم الكربلائي
من خلْف الباب المحروگ
خيمه و نار و خيل او نوگ
أولها ضلْع امي انكسر
والساتر الله امْن الدّهر
عندي جرِح .. ينزف نهر
هاذي ألِف باء الظِّمه
أول هظم .. كسْر الضلع
او يا ساتر اِمْن الخاتمه
مدري اشعجب .. لي هسَّه ما
طاحت عله الگاع السّمه
و امن السَّمه .. طايح نجِم
بِيْه شبَه محسن فاطمه
فكّيت اِعْيوني اعْله النّار
عمري ازغير , اجروحي اِكبار
هاذي بدايات القَهر
والساتر الله امْن الدّهر
بيتي احترگ .. وامْن اللّهب
دخّان يرسم فاجعه
يعرض صوَر .. ما تنفهم
يعرض حچي ما أسمعه
أنظر جَمِع .. حاطوْا فرِد
منِّ اِلجهات الأربعه
و أنظر حرَم .. تركض فزِع
من الخيم للمشرعه
أنظر مشهد ما مفهوم
خيل اتدوس اعله المعصوم !
مرسومه بالدَّم الصَّور
والساتر الله امْن الدّهر
دم الضلع .. لمّن جره
بالعتبه وضّحلي أمر
نفْس الحطَب .. يحرگ خيَم
و الباب حافر عالصدر
باچر يرِد .. نفْس الحقِد
نفْس الظلم نفْس الغدر
و اليختلف .. بس الإسم
اهْنا قنفذ اهناك الشمر
اهنا حيدر بالطوگ انگادْ
او يوم الطف إبنه السجَّاد
نفْس الحبَل نفْس الأثَر
والساتر الله امْن الدّهر
حين اندفع .. باب الوحي
او بسمار صاب أمِّ الحسن
چن نافذه .. انفحت إلي
او راوَتْني ما يُخفي الزَّمن
ابعين الگمر .. ينبت سهَم
واچفوف إدِيْه يتگطّعَن
و أنظر ولَد .. چنّه الحسَن
و امعرّس ابثوب الچفَن
و أنظر چن جدّي المرسول
ظامي ابيوم الطف مچتول
شبه النبي جسمه وِذَر
والساتر الله امْن الدّهر
ابعيني شفِت .. امّي اطْلعَت
تركض تنادي ياعلي
و آنه ورَه .. ابن أمي بعَد
أركض و أنادي ياهلي
يهْل الرَّحَم .. لحگوْا علَيْ
وينه اليغيث المبتلي
غير الصّده .. محّد يرِد
و العدو ابسوطه ايردّ إلي
ركضه او تتكرر مرتين
ما بيني او بين أم احسين
خلْف الوصي او صوب النحَر
والساتر الله امْن الدّهر
ابلَمْح البَصر .. صار الذي
من عنده أحَذَر و أحتسِب
لنّي عله .. التل وحَّدي
أصرخ و أنوحن و أنتحِب
خدري الذي .. من فاطمه
تاليها بالطف ينسلِب
و آنه عله .. النوگ الهزِل
شنتظر أكثر و أرتقِب
لو مشّوني ابلا خوّان
خوفي ايوگفوني ابديوان
لازمني گلبي امْن السفر
والساتر الله امْن الدّهر
غَدرة أمِس .. هيَّه الأصل
و اللي جره تالي الفرِع
بعده النبي .. اعله المغتسل
و ابّيته لن دار الفَزِع
ما ينگطع .. نحْر الطفِل
لو مَا الأراكه تنگطِع
او كلشي عله .. الشيعه يصُب
أصله كسُر ذاك الضلِع
لو ما الگوم او حرْگ الدّار
عالشيعه ما صار الصّار
يوميّه يفجعنه خبَر
والساتر الله امْن الدّهر
التعلیقات