صفينه يتامه - فيديو (مكتوبة) - باسم الكربلائي
منذ ٤ سنوات١.٦Kمشاهده
|1
ليالي الفاطمية الثانية 1442 هـ
لطمية صفينه يتامه مكتوبة
الرادود باسم الكربلائي
بعد يا سلامه
صفينه يتامه
دخلت الدار مشتاگ لحضنها
لچن فضه اجت تمنعني عنها
يفضه ليش اني حسين ابنها
يفضه بشوفتي تنسه حزنها
دموعج علامه
صفينه يتامه
تگلي نامت وگطعت بچيها
وانه اترجاك لا تدخل عليها
يجي حيدر يغالي ونمشي ليها
بعد ساعة زمن وتبوس اديها
كلامج ختامه
صفينه يتامه
مُصر أدخل يفضه عليها وحدي
فتحت الباب بأسم الله ويا جدي
ييمه حسين اني كافي گعدي
حبيبج خايف ودمعي اعله خدي
يوجه الوسامه
صفينه يتامه
احوم اعليها واتنفس عطرها
ولا كعدت يمن فدوه العمرها
احركها اخاف الجم كسرها
وابوس اقدامها ومره بصدرها
واصيح الظلامه
صفينه يتامه
لونها نايمه اتفز لدمعتي
ولا تغفه من اسولف عودتني
عجب ما تسمع صياحي وحسرتي
صحت اني المتت لو انتي متي
يموت الكرامه
صفينه يتامه
اقبل عينها وما قبلتني
بُرد جفها وانه الفرگه جوتني
يعالم ماتت امي وضيعتني
عساها برگبتك ياليتمتني
قتلتوا الحمامه
صفينه يتامه
اصيح وانحب وحيدر اجاني
اباوع للكسر وانحب لكاني
شبگني وخارج الحجره خذاني
رجع يمها وبقه يبجي بمكاني
توضح كلامه
صفينه يتامه
دخلنه المغتسل نسرع مشينه
صرخنه وصوتنه يهز المدينه
بحق جدنه محمد كلمينه
ولو گولي ييمه او ودعينه
وداعج قيامه
صفينه يتامه
سمعناها تحن وتأن سمعنه
اديها انشالت ومسحت دمعنه
شبه غصنين بالشجره اجتمعنه
امر من السمه حيدر رفعنه
يدمع الندامه
صفينه يتامه
التعلیقات