من غيرج يكشف همي (مكتوبة) - باسم الكربلائي
منذ سنتين٥٨٠مشاهده
لطمية من غيرج يكشف همي مكتوبة
الرادود باسم الكربلائي
من غيرج يكشف همي
يالحبج يسري بدمي
ما شايف من طيبتها
مو مثل العالم امي
يامشكاة نور الله
وإنه المصباح يا عيني
جنين وجنت اعيش اوياج
اداريج وتداريني
جنت مشتاكلج يمه
ومشتاگه تشوفيني
لذلك فقط ست اشهور
مو تسعه حملتيني
آنه حسين ابنج حاير
بوداعج شفت العاشر
نبضج وي صوتج ساكت
رايد بس اسمع اسمي
الحنينه انتي منو مثلج
من الله الي نعمه
اذا حتى رسول الله
يكلج فاطمه يمه
صدك رحتي غفل مني
الدفو بعدج نسيت اسمه
صرت حسين ابو الدمعه
ونسيت حسين ابو اليمه
بعدج ويامن احجي
ترضين اكبالج ابجي؟
ما الهن داعي اعيوني
وجهج لو ما ضل يمي
زغير و من جنت اعثر
كلبج يعثر اكبالي
يبني حسين خو ما بيك
شي يحسين يالغالي
وهسه نايمه اعله افراش
وآنه المنشغل بالي
اقبّل رجلج اترجاج
مكانج لا يضل خالي
اليفكد ام يكره عمره
وشلون وامي الزهره
ما اتحمل فركاهه
مشلول اشعر كل جسمي
تعيشين العمر ياريت
ونتشاوف بعد اكثر
وتشوفيني اصيرن شاب
واخدمج وابقه اتعذر
واتشوفين احفادج
وحواليج الضنه يفتر
يعينج عالمشي السجاد
ويقبل ايدج الاكبر
نتشرف كلنه انخدمج
سمّيت ابنيتي اعله اسمج
ردتج تبقين اويايه
بس ما يتحقق حلمي
زينب لو درت شيصير
شما توكف ترد توكع
خويه حسين امي وين
شو صوت امي ما اسمع
مجلس عدنه خلف الباب
إنه واخواني نتجمع
واجه من الگبر محسن
يكمل المجلس ويرجع
متحزمه وتلطم ولدج
حتى المحسن مفتفدج
ماكو انهار ايمر بينه
بس ليل وغايب نجمي
لو ما ميته بالبسمار
وعمرج فاطمه طوّل
وتجي ام البنين اتعيش
جنه البيت يتحول
ييمه ايفوتج العباس
ابو غيره واخو امعدل
يجيب الماي من الماي
شكله ايكلي تدلل
عيونج اتمنه اتشوفه
طاحن كدامي اجفوفه
مو عين انطاني عيونه
بعباس الله ايشد عزمي
اريد بكربله اتحضرين
مو وياي وي زينب
تغمض عينهه امن اتشوف
خيل اعله الصدر تلعب
والميتين والخمسين
خيمه اعله الحرم تلهب
وتغطيني بعباتج كون
من قمصاني تتسلب
شمس الطف باگت لوني
يعيوني وماي اعيوني
من شفتج كلت احجايه
مو مثل العالم امي
التعلیقات