علاقة حب (مكتوبة) - باسم الكربلائي
منذ سنة٦٥٤مشاهده
لطمية علاقة حب مكتوبة
الرادود باسم الكربلائي
علاقة حب بدت عبد و مولاه
أحب الله من حب حسيناه
أصل الكون من كربله
الله يگول كلشي إله
قصيدة حسين وربك كل سنة يكتبه
و مو حب اختياري وكلمن وگلبه
يعجبك ما يعجبك لازم تحبه
الصدگ عشگ الحسين وكل عشگ كذبه
أضف وي آية التطهير والقربه
صلاة بلا طعم لو ما اكو تربه
طلب موسى النبي ينظر آلهه
نعذر كربله چيه ما إجاها
چان يشوف رب العله
الله يگول كلشي إله
كل حب يبتدي من كلمة لو نظره
وحب حسين بادي من گطع نحره
كل اثنين بالحب بينهم عشره
بين وحسين والله فاطمة الزهره
الخيل السحگته بذاكه الظهر تقره
يا الله مكتوبه على صدره
اليحب باقة ورد يهدي الحبيبه
الحسين يصلي والنبله تصيبه
هالاهداء ما أجمله
الله يگول كلشي إله
علاقة ومستحيل الأي طرف يزعل
المواقف والسوالف بيها ما تنمل
حسين ايگول ربي اشتآمر ويحصل
الله يگله منك كلشي اتقبل
ابن اول العالم بالعشگ أول
حسين ابلايه راسه وبالعرش يندل
نحر مثل الشمس يطلع وريده
الأرض كلها يحركها اعله ايده
يا عطشان يروي المله
الله يگول كلشي إله
سجود حسين حب وي غيره ما ينقاس
صلاة الليل مو چم ركعة چم احساس
ابخواطر وبشعر تكتب غزلها الناس
حسين يغازل الله بطيحة العباس
الطف بستان ابو اليمه نبي النوماس
زرع سبعين بس سبعين شتلة ياس
آذان الوادم بألله أكبر
بده حسين الآذان بدم الأكبر
الجنه تصيح مية هله
الله يگول كلشي إله
وكت شاف الاهل والصحبه مذبوحه
اشتاق الرؤية الله مو ضعف نوحه
بطولة فارس وسوح العشگ سوحه
على گد المحبه نزفت جروحه
وگع من المهر بأحضان مفتوحه
لأن بيد الله يدري تنقبض روحه
نداء من السمه ابقه بدمائك
تجيك الجنه وانت بكربلائك
الاملاك تستقبله
الله يگول كلشي إله
بعد هذا الجزه الاحسان بالاحسان
للأسلام ربك سوه خمس اركان
لجل ظهر الحسين انصلي بالاذان
وركن الصوم چيه گلبه بقه عطشان
إذا تسأل عن الحج راح اگلك چان
برمح راس الحبيب يطوف بالبلدان
اذا ما متخذ رمحه وساده
ابد ماكو زكاة ولا شهاده
ضحى أطفال بالسلسله
الله يگول كلشي إله
بعد كل هالحجي ويطلع الك واحد
ويه أبليس كل عاشور متواعد
بمحرم لابس أحمر وبگلب بارد
عالخدام بس نقطة ضعف رايد
چان الناصبي اسمه ناصبي وحاقد
هسه اليوم اسمه حضرة الناقد
المريض اليطعن الخدمة بكلامه
خصيمه فاطمة بيوم القيامة
ويقاضيه عقد الوله
الله يگول كلشي إله
التعلیقات