عفت كلشي (مكتوبة) - باسم الكربلائي
منذ سنة٣٨١مشاهده
لطمية عفت كلشي مكتوبة
الرادود باسم الكربلائي
عفت كلشي وجاي ازور حسيني
يا حبيب بدفترك خليني
واذا الصبح تنفس للدرب
الف هنياله المشه وعينه تصب
الله لجدامي يسهل كل صعب
آنه بس درب المشي يگر عيني
بيتي سديته وخذت كل عيلتي
الهوى عذيبي من ترفرف رايتي
امشي واحسب خطوه خطوه بسبحتي
ودمع عيني من اعطش يرويني
بمتني شايل دنيه مو بس رايه
ودي غيمه تصير عالمشايه
يا حبيب مروتك بس هايه
اغفه ودروب السبي تراويني
موكب بصف موكب يوزع حنان
الرايه من انشوفها نحس بالامان
اول المشايه صاحب الزمان
خطوه خطوه الكربله يماشيني
موكب الخدر تقوده فاطمة
وراية الثار اعله چف حامي الحمه
تمشي ويانه السمه واهل السمه
وبمصايب كربله تواسيني
الچانو بطف كربله سبعين امس
اليوم انصاره تسد عين الشمس
وينه هذا العاقل وياخذ درس
شما نزود المشكله يعاديني
احس من امشي اخف من الريشه
وجدمي دگيته اعله راس البيشه
عمري اذا مو كربله ما عيشه
دربه بس ياخذني ويوديني
امشي واتنخه بامير المؤمنين
وعزمي شديته بعلگ ام البنين
معتني بجدمي لحبل الله المتين
وارتباط هواي بينه وبيني
التعلیقات