آسف يارقية (مكتوبة) - حيدر البياتي
منذ سنة٧٩٠مشاهده
لطمية آسف يارقية مكتوبه
الرادود حيدر البياتي النجفي
حضن ما عندي آسف يا رقية
و الجاب النحر ما جاب ادية
مشتاقتلي أدري
بس ما عندي صدري يا رقية
غمضي عينج مدي إدينچ
اتخيلي طولي الرمح
گابليني و لاطفيني
ولا نسولف عالذبح
مشتاگ أشيلج يا رقية فوك المتون
مشتاگ أشبگنج وابوسج بين العيون
مشتاگ اصيحن عشگ ابوها بنيتي تدرون
اصبعي إلبي أگودج يا رقية
دورته شگثر ضيعوه عليه
حزين آنه اعله مودچ
شمد خاطر أكودج يا رقية
صحت وأبچي سلبو كلشي
درعي ثوبي و لامتي
گصو نحري وخلو صدري
هذا ملك ابنيتي
عوفوه صدري وخيلكم خدوس متني
عوفوه بيش احضنها اذا تركض اجتني
عوفوه شضللها الحوافر خلصتني
يبس دمي ع وجهي بكل علامة
ما خليتو ل بنيتي ابتسامة
الرمح عالي عليها
وهي صغار اديها يا رقية
وينه جدمچ اليحركچ
راح لو بعده الوجع
اشلونها إذنچ خذو قرطچ
إشكد صرختي امننشلع
تدرين عزيزة روحي ياحلوة محاچي
تدرين جر گلبي لمن جر التراجي
تدرين طحت من الرمح من البواچي
على إذنچ لمن خليتي ادينچ
رجع سطراج بچفوفه اعله عينج
رگضتي و بويه صحتي
و بين الخيل طحتي يا رقية
إختلف وجهچ ما عرفتچ
ارماد وتراب و دمه
وين باتت وين نامت
العلى اذراعي إمعلمه
دمعات تسولفلي شكثر يبنيتي رعبوج
بسمات طاحن من كثر ماسوط ضربوچ
بليل تغفين و يجون برمج ندهوچ
اذا من البچي سكتت لگوها
يركض حرمله وهز راس ابوها
يجوها واحد بنار
والاخر يرمي بحجار يا رقية
على طشتي من ركضتي
گوة محنية ضهر
سكت نوحچ اطلعت روحچ
لمن شميتي النحر
ملعون ياخذ راسي منها يزيد وداه
شالوه راسي من الطشت وانشالت وياه
فلوه چفها ومارضه يهد نحري ويلاه
ماتت لچن ما تقبل تهدني
و شمرهم رايد الرمحي يردني
شمر لا هله بجيته
ضربها و هي ميتة يا رقية
التعلیقات