سألوني (مكتوبة) - باسم الكربلائي
منذ سنة٧٥٧مشاهده
لطمية سألوني مكتوبة
الرادود باسم الكربلائي
سألوني ليش ابجي هواي
ماتوا هلي وظل الماي
واصفگ بديه
واليجرح أهل الاحساس
واليجرح أهل الاحساس
والما تصدگها الناس
زينب سبيه
انا الشفت طيحة علمنه
وانا الشفت حرگة خيمنه
سألوني وادري بالدمع ما يرجع الاريده
وانا الشفت ركضة خدر ام الخدر وحيده
شفت الذي بعمر الورد من ينگطع وريده
شفت الأخو شلون انكسر من انذبح عضيده
مهما بچت دمع العين
مـ تساوي نظرة من حسين
يم الشريعة
شايل چفوف العباس
ناده يخي حدنه انداس
حد الوديعة
ما تنوصف جمرة ألمنه
وانا الشفت حرگة خيمنه
گالولي مولاي الصبر من الحزن كفايه
وانا الذي بعيني شفت ذبحوا علي ضمايه
واحنه الهواشم يا وكت عدنه حرم سبايه
خلوني ابچي والعمر گرب على النهاية
كلما ردت عيني تنام
اذكر صراخ الايتام
حالة رهيبه
واذكر فرار النسوان
واذكر فرار النسوان
بين الجمر والدخان
اعظم مصيبة
انا الشفت ذبحة زلمنه
وانا الشفت حرگة خيمنه
احنه الأمان لكل البشر ويأمن اليجينه
تالي صفت خوف ورعب وبلا خيم صفينه
واحنه النحل كل مشكلة هسه الحبل بدينه
ماي العذب النه انخلق تاليها ما روونه
اني الامام السجاد
ليش بسلاسل انگاد
وين الغياره
ما تنطفي النار
ومخدرات الكرار
صارن يساره
احنه السلم بس ما سلمنه
وانا الشفت حرگة خيمنه
شحال الاخو الكله شرف و أخته مشت اسيرة
واختي الزغيره اعله الهزل بس بالحزن جبيرة
صعبة تره بسوط العبد من تنضرب اميرة
ذباح ابويه من الگفه رافگته بالمسيرة
جاب الضعن حادي النوگ
عصرية وبنص السوگ
ويلاه يزينب
لو خنجر بگلبي يبات
لو خنجر بگلبي يبات
ولا نظرة من الشمات
اي والله اصعب
هذا الوضع كلش هضمنه
وانا الشفت حرگة خيمنه
لاگونه بطبول الفرح وادم بلا كرامة
واحد رمانه بالحجر والآخر بكلامه
حتى العرفنه هم سكت ما ضحه بالسلامة
گالوا خوارج بالضعن يحجوها بإبتسامة
بينه استقام الاسلام
صرنه خوارج بالشام
والله وسافه
وجه الفواطم لا وين
وجه الفواطم لا وين
من الحجر من العين
هاي الكلافه
يا وسفتي محد حشمنه
يا وسفتي محد حشمنه
وانا الشفت حرگة خيمنه
احنه الشرف واهل الشرف ويه النذل مشينه
واحنه الستر واهل الستر وتفرجوا علينه
يا وسفه من دار الوحي لدار الصنم اجينه
وابن الطلقناه للأسف يتفاخر بسبينه
يا وكتي ليش انداريت
احنه تره أهل البيت
بتنه بخرابه
بيت الكرم والأطياب
بيت الكرم والأطياب
نگعد ننام اعله تراب
بس بمهابة
مثل الفرض عدهم شتمنه
مثل الفرض عدهم شتمنه
وانا الشفت حرگة خيمنه
ومصابي كلما اوصفه اكبر بعد لگيته
والمثلي يبچي اعله الأهل حد ما تجي منيته
والماي لو شفته صحت سهمك تظن نسيته
عبدالله مد ايده إلك وانته ولا رويته
رد للخيم بس مچتول
وانذبحت الـ دللول
ظل مهده خالي
اسمع رباب تحاجيه
فوگ الهزيله تناغيه
يبني يغالي
واعله النهر ذبحوا حلمنه
وانا الشفت حرگة خيمنه
التعلیقات