وداعا يا علي (مكتوبة) - باسم الكربلائي

 

 

وداعآ ..ياحبيبي ياعلي ..وداعآ
وداعآ.. ياحبيبي ياعلي.. وداعآ

انا زينب ياأبو زينب اغلى من كل ناسك  
  أشعر ابغربة ياحيدر ماحضن احساسك
الليلة ريحة الموت اشمن م̷ـــِْن عطر أنفاسك  
من عسنها ابراسي طاحت بوية طبرت راسك
يابويه ..صوتي يمك يعتلي
وداعآ .. ياحبيبي ياعلي ..وداعآ

وانا مـڼـڱ وانت مِڼـّي وانت جرح امصابي
ياعلي • م̷ـــِْن نور وجهك الله سوه احجابي
ساهرة ابدمعت عذابك وبللتها اثيابي
حسبت كلشي وغيابك ابد ماإجى بحسابي

ياگلبي ..يالي بالهم مبتلي
وداعآ.. ياحبيبي ياعلي.. وداعآ

أدري گلبك يابويه يرفض تمشي واتخليني
عيني ماتغمض وحگك لو غبت عن عيني
اخد عمري لَـا تگلي لازم اتودعيني
ضايعة ابضيعه ابو افراگك ايأذيني

ياحيدر.. يابعد ناسي وهلي
وداعآ.. ياحبيبي ياعلي.. وداعآ

مثل زينب والف طفلة وطفل دم يبچولك
الشمس بيدك رجعتها الموت عجبة اينولك
واليتامة بالسلامة ياعلي يدعولك
ﮘوم واتوضأ لصلاتك ﮘوم وامشي ابطولك

ياغالي ... والحزن ماينجلي
وداعآ... ياحبيبي ياعلي... وداعآ

عمت عيني اشلون وجهك غيرو الوانه
بالدمع خلينه روي اشفافك الذبلانه
ياالرحيم ارحم ابنتك زينب الحيرانه
حيلي وي العرش جلاله هدمت اركانه

أخيرا ... راح أضل ابلا ولي
وداعآ… ياحبيبي ياعلي.. وداعآ

الليلة احلام البراءة ابغيبتك المذبوحة
لابسه ثوب اليتيمه دمعتي المسفوحة
الله يلعن ابن ملجم الله يأخد روحه
استقبلت عيد الله أدرف دمعتي المجروحه

اويلاه… مابقى واحد إلي
وداعآ.. ياحبيبي .. وداعآ

 

للشاعر: علاء عبدالحسين الكربلائي