تراب الحزن (مكتوبة) - باسم الكربلائي

 

 

لاتكشف تراب الحزن و اتهیج النار
تصحی الجروح و لو صحت یچویها بسمار
ویصیر الصبر أقسی من الجمر

یقولون حبیب الما تشوفه العین تنساه
یکذبون أنا الما شفته بس أبچي اعلی فرقاه
بالجروح و إذا عني أبتعد بالخاطر ألقاه
و الحسین چذب من قال أعوفه و ممکن أنساه

جرني الهوا لحضرت علي و دمعي أسیله
بلکت یخبرني علي ابحاله خلیله
مرات العُذُر أقسی من الجمر

یا کرار علی ابساط الصبر أفرش جراحي
و أنادیک سکوتک عاصفه و یکسر جناحي
تمنیت تجاوبني و أطق راحه اعلی راحي
سلامات أقلک لو قلت مظلم صباحي
انت إمتحانک بالصبر و الفایز انت
و آنه إمتحاني ابکلمتي و الدنیا سکته
و السکته إشکثر أقسی من الجمر

یابوحسین دخیلک بس أرید أسمع جوابک
صدق ذاک فعلها و شبت النار اعلی بابک
یا مهیوب یا صقار الزلم و الکل تهابک
رحت لیش یالمغیم ولا یمطر سحابک
جاوبني لیش أم الحسن صاحت یا فضه
و اسمک یا حیدر بالشدد الکل تلفظه
أعلم بالأمر أقسی من الجمر

علی الآه أنام و أصحی و الساني بذکرها
أویلاه أنا ابکل حایط أتّبع أثرها
یا بسمار علامک طاوعت ذاک العصرها
ألف حیف بدل ماتعترض نمت ابصدرها
کل باب أشوفن بي ألم من عمله الباب
و أسمع علي یندب علي بفراق الأحباب
لو طال العمر أقسی من الجمر

من الغار إجه ایقود إنقلاب اعلی الحمامه
دلالات لقینه و قلنا خل تمشي ابسلامه
وره الباب بده ثاني إنقلاب اعلی الکرامه
القصد چان قضاء اعلی النبوه و الإمامه
مایقدر ایضم الشمس چف السقیفه
مکتوبه بعیون العرش حیدر خلیفه
و أعقاب الغدر أقسی من الجمر

یریدون ینزلون الکتاب و تصعد أوثان
علي قال إذا یحچي الفقار ایسکت الآذان
حرامات طلیق ابلیس و المقیود قرآن
علي صاح درجع فاطمه یا عم یا سلمان
صاحت إترکولي علي لو أکشف الراس
آنه الزچیه و دعوتي مقبوله یا ناس
طلعتها الظهر أقسی من الجمر

تصحون جراح الما غفت تنزف طبعها
صبح لیل أون و ونه الزهرا أستمعها
یهل ناس کسر ظلع العرش کاسر ظلعها
لهل یوم نصیح الثار من چف الصفعها
من عرفت عیوني الدمع أنحب علیها
من أسمع آذان الظهر أسمع بچیها
دمع الینتظر أقسی من الجمر

 

للشاعر : سيد عبدالخالق المحـنه