لطمية دمعة إمامين مكتوبة
الرادود باسم الكربلائي
من حكمة المعبود
تنزل على المفقود دمعة امامين
والثالث الموعود
راعي الامرموجود والعسكريين
مآتم هاشمیة .. على النفس الزكية
یالتواسي علي الهادي
اليوم دمعك ينحجز
صيح ياسبع الدجيل
وجرحك الغافي يفز
هذا حرز الدين مات
اشلون لو مات الحرز
ثلمة بالدين الحنيف
الدين بيهم يرتكز
يالمهدي عدنه اعلوم
عمك گضه مسوم .. کسروا یمینك
بزهرة شبابه يموت
وتشوفه بالتابوت .. الله اليعينك
انجرح گلب الزچیه على النفس الزكية
العسكري شگ ثوبه لاجلك
يوم وافاه الاجل
لامته الناس اعله فعله
رد جواب اعله السأل
موسى هم الثوب شگه
بیوم هارون ارتحل
شسوه ابو الاکبر یمهدي
بیوم عباس انچتل
بالله شيگول حسین
من شاهد الچفین .. مايکفي دمعه
ياخويه ياعباس
صيحه التشيب الراس .. زينب تسمعه
تنوح الغاضريه على النفس الزكيه
سيدي الهادي مصابك
اعظم بهالفاجعه
انت غسلته ودفنته
عنده شيعه تشيعه
لازم اتذكرت الاكبر
والابو من ودعه
من العطش يبست اشفافه
والسيوف تگطعه
طاح اعله ابنه وصاح
ابني يزينب راح .. واتمدد اوياه
يوليدي يالعطشان
نايم على التربان .. تغسيله بدماه
بچت حتی المنیه على النفس الزكيه
یالحسن من مات أخیك
ظهرك الفگده انکسر
والحسن ابن الزچیه
شلون لو بالطف حضر
من یشوف حسین واگع
والشمر حز النحر
من تدوس الخیل صدره
خنصر ایمینه انبتر
بي مثلو اتمثیل
عاري وبلا تغسيل .. وخيامه تلهب
ناده الشمر ياناس
سلبوا أخت عباس .. جيبولي زينب
بدت نظره سبيه على النفس الزكيه
الگصد سید محمد
یگصد الباب الصمد
والکرامات شكثرها
القاصي والداني شهد
چان کل واحد یزوره
یشوف بالحضره اسد
یحمي زوار التگصده
بأرض سامره وبلد
حته الیوالي اعداه
هم يوصل وينخاه .. يترجه منه
واللي حلف بيه زور
يعمه ويرد مدحور .. معروفه عنه
تجي كل البريه على النفس الزكيه
لاتدگ باب الیردك
وانت عندك مشكله
اعتني الباب اليگلك
ياهلا ومية هلا
هذا من بيت الامامه
الله منطي منزله
تنگضي الحاجات عنده
والله بس توصل اله
لو دارت الايام
نتنعنه للاكرام .. مأوى الحياره
امشي لبو المعروف
سبع الدجيل وشوف .. اخذ البشاره
ثمن دمع الرزيه على النفس الزكيه
سيدي محمد احلفك
بالزچیه وبالضلع
گلي يمته المهدي يظهر
والله مل منه الدمع
گله یالمهدي دخيلك
شيعتك بأصعب وظع
فزعت علينه النواصب
وانت للشيعه درع
ادركنا يابوالثار
والنايحه بكل دار .. تدركنا يمته
ينتظرك المظلوم
عندي يقين اليوم .. بالمجلس انت
تنوح بهالمسيه على النفس الزكيه
للشاعر : السيد عبدالخالق المحنة
التعلیقات