راح حيدر (مكتوبة) - باسم الكربلائي

 

 

قرروا هاي المسيه
یلتقي العالي بعلیه
طلب منه لقائه راح حیدر
عرج لله ابدمائه راح حيدر

إلهك نزلک وهواي الأسباب
نعم هيئة بشر بس نازل کتاب
خلقنه من ترابک و انت بو تراب
واذا مانزلک من يقلع الباب
اجیت بنهج قدسي اترفضه الاعراب
العداله ما تناسب طبع الذیاب
وجهک الکله ابتسامه حقها تهواک الیتامه
یتیم اسمع بکائه راح حیدر
عرج لله ابدمائه راح حیدر

دروس انطیت للعالم کثیره
القصور اتزول بس تبقى الحصیره
بزمانک حدثت القصه الشهیره
الفقیره شبعت وجاعت امیره
فقط انته اليشیل هموم غیره
لجن شتسوي للبایع ضمیره
یا بشر سواها غیرک
جایع و تشبع اسیرک
نطق من خذ جزائه راح حیدر
عرج لله ابدمائه راح حیدر

اجیت الملة ما عرفوا مقامک
عقلهم یصغر و یکبر کلامک
فقط یصغون من یحجي حسامک
شطاره عدهم الشرده امامک
ارفعت روس المسلمین ابقيامک
جزائک یا علي مطبوره هامک
صدر الباري بیانه
حیدر ایعود المکانه
نصب ربه عزائه راح حیدر
عرج لله ابدمائه راح حیدر

علی یا قدرة الباري و جماله
یسیفه و رایته وحامي رساله
علیک الیعلی سبحانه وتعاله
یگطعه السیف چف الله استحاله
ترى لولا تقول الناس غاله
قلت شبه لهم واحد بداله
طالع الباب اشيقلعه
یاقدر یقدر یصرعه
وحي صاح ابسامائه راح حیدر
عرج لله ابدمائه راح حیدر

شلت دنیه و عوالم فوق صدرک
صفه عش الیتامی فوق ظهرک
تشوف الباطن بعین البنظرک
ابن ملجم غفه وناوی یغدرک
تقعده لیش و تعرفه یطبرک
ردت وقت السجود اتسلم امرک
حته جتالک سمعته
یاعلي نادی ابطبرته
بجت سوره براءه راح حیدر
عرج لله ابدمائه راح حیدر

حنوطک من ابن عمک ذخرته
منیتک قربت و انته طلبته
خذت حصه وعفت للحسن حصته
عجیبه حسینک الغالي ترکته
شبقته وچن شفت بالطف ذبحته
صحت یا ولیدي و تبوسه ابرقبته
ینقطع یالغالي نحرک
تلعب الخیل علی صدرک
شمر یعلی ندائه راح حیدر
عرج لله ابدمائه راح حیدر

اجتک زینب و ثنت ارکبها
ابوجهها تبسمت اشقد ماتحبها
تخاف اعلیها یتصدع گلبها
تعال وشوف حیرتها ابغربها
واحد یشتم واحد ضربها
هذاک الحرق وذاک السلبها
ریتک اتشاهد متنها
والشمر یحدي ابضعنها
حچو کله إساءه راح حیدر
عرج لله ابدمائه راح حیدر

 

للشاعر : عبدالخالق المحنة