دموع الخجل (مكتوبة) - باسم الكربلائي

 

 

من علي دموع الخجل ....صخره طاحت من جبل
يقـــره بعيــونــج زعــــل .......فـاطمـــــه

علـي خجلان او دمعته بطـرف عينـه
شلون ضربوا فاطمه او سيفه بيمينه
أمـر نفسه احتار بيها او أمـر دينــه
كظم غيضه او سلم السيف اليقينــه
وأحتمل نار الصبر ....ماأخذ ثار الكسر
مــن قــرب ليـج الأجـل ...فاطمــــه

ودعج ودموع ابو حسين اعله خـده
وداع ماشاف الفرح فد يوم بعتـده
هذا امر الباري يدري وهذا وعتـده
بعدج ايعيش العمر مظلوم وحــده
خده بدموعه ارتوه ...بيته خالي من الضوه
مــات ويـــاج الأمـــل ...فـاطمـــــــه

من يريد اشم عطر سـيد البريه
من يريد اشوف نور الله ونبيـه
من يريـد ايعاين النفسه الابيـه
يجي ايشم اتراب قبرج يالزجيه
يحضن اترابج علي ...ايصيح ياريحة هلي
انتـــي يانــــور الازل
يا فاطمة

انتـي روحـه وبيـج يتنفس هـواهــا
انتي عينه وشمس لعيونه اوضواهـا
شمسه غابت وانطفه النور ابسماها
نسه جروحـه ونـار بـابـج مانساهـا
ياعلي وعاش الألم ...بعدج اوحيله انهدم
صبــر لجلتـج وحــمل ...يــافـاطمــــه

مـابقت بعيونـه مـن فراقـاج دمعـه
ياونين اهل السمه السابـع تسمعـه
شمعه جنتي او مابقت لايامه شمعه
مـاي وطشـر بعـد يـاهـو اليجمعـه
جـرحـج بــروحـه جـرح ...صقـر ابلا جنـح
يافــرج خيـــر العمــل ... يـافـاطمــــه

صـاح زينب بـويــه يـازينب تعالــي
حالــج ارحـم كـونج اتشوفين حالـي
أني والي الناس بس ماعندي والـي
بيتـي من أم الحسن يابـويـه خالـي
أظلم ورب السمه ...بيت مابي فاطمه
والدمـع نـار او همـل ...يـافـاطمـــه

 

للشـاعـر : ناظم الحاشي