يم قبر الحسن (مكتوبة) - باسم الكربلائي
منذ ١٠ أشهر١٨٩مشاهده
لطمية يم قبر الحسن مكتوبة
الرادود باسم الكربلائي
زينب وجّت الشمعه...يم قبر الحسن تنعه
ويلاه ويلاه
لمن تذرف الدمعه...صوت ابكربله اتسمعه
ويلاه ويلاه
للبقيع اتعنت الحره الوفيه...راحت ابثوب السبي لبن الزجيه
وجّت الشمعة و تون ونه شجيه...وين زوارك يخويه ابهالمسيه
يمك ما شفت موكب...خويه و لا دمع يسجب
ويلاه ويلاه
قبرك يختلف وضعه...صوت ابكربله اتسمعه
ويلاه ويلاه
ما رحت يم كربله القبرك قصدته...آنا أدري بالأخو يتنطر إخته
تيهت لكن دمع أمك تبعته...لا تقلي اشلون دمع امك عرفته
دمع المنذبح ابنه...لازم ينجرح جفنه
ويلاه ويلاه
يحمل جمرة الصفعه...صوت ابكربله اتسمعه
ويلاه ويلاه
آني جيت القبرك بروحي الكئيبه...يا غريب الدار إجت يمك غريبه
قبرك المهدوم ضاعف لي المصيبه...ما شفت موكب لطم يمك عجيبه
خويه شيعتك تحضر...صاحت عند أبو الأكبر
ويلاه ويلاه
رادت نعشك اترفعه...صوت ابكربله اتسمعه
ويلاه ويلاه
سامح إختك لو مدامعها قليله...تدري بيها بالبواجي مو بخيله
دمعي من إفراق إخوتك شح مسيله...و البقه منه خلص يم العليله
و ارموش الجفن طاحت...نبضات القلب صاحت
ويلاه ويلاه
إسمع ونت البضعه...صوت ابكربله اتسمعه
ويلاه ويلاه
من شفت دم جبدتك جبدي فطرته...بس مصاب الطف يخويه ما حسبته
شفت أخوك حسين من قطعوا رقبته...آخر أنفاسه و لفظ اسمك سمعته
طبع الينسفك دمه...لازم يذكر ابن أمه
ويلاه
عاري و محد ايشيعه...صوت ابكربله اتسمعه
ويلاه ويلاه
الله لا يرحم جميع الناصبيه...قبرك اتساوه يخي ويه الوطيه
امنين أجيبن لك مواكب حيدريه...و البقيع ايصير مثل الغاضريه
صار الجعفري يحلم...يمك ينصب المأتم
ويلاه ويلاه
ظلت بالقلب صدعه...صوت ابكربله اتسمعه
ويلاه ويلاه
راح أرد للشام و العله شديده...ظلت ارقيه يبو محمد وحيده
ننتظر مهدينه و الطلعة أكيده...أدري ما تصفه أبد إلا اعله ايده
يمته رايته اترفرف...يوصل قبرك و يهتف
ويلاه ويلاه
حانت ساعة الطلعه...صوت ابكربله اتسمعه
ويلاه ويلاه
للشاعر : الأديب السيد عبدالخالق المحنّه
التعلیقات