يا شمس (مكتوبة) - باسم الكربلائي

 

 

يا شمس طول العمر ** تضوي احسان وصبر
جرحك اليوم الحشر ** ينزف اعتاب

يا با الحسن خاتمت عمرك
چانت حلم معجزة صبرك
اكبر دليل عن سعة صدرك
قبل الوجود منحفر قبرك
بس الجليل يعلم بقدرك
وما بين اديه فوضت امرك
صوت الاذان منتظر فجرك
وعد الصلاه يا علي ينطرك
امحزم بعهدك رحت ** يا وعد عجل صحت
يا علي وحين اسجدت ** راسك انصاب

يا شمس طول العمر ** تضوي احسان وصبر
جرحك اليوم الحشر ** ينزف اعتاب

يا من وفيت صادق ابعهدك
عندك يقين منتظر وعدك
بيت الله صار من صرت مهدك
وعرش الخلود يا علي لحدك
سر الكتاب يا علي عندك
وعند الصلاة دمعك ابخدك
وبكل جهاد سيفك ابيدك
من العباد من وصل مجدك
يا عظيم من الازل ** كنيتك خير العمل
يمدح بأسمك نزل ** فصل الكتاب

يا شمس طول العمر ** تضوي احسان وصبر
جرحك اليوم الحشر ** ينزف اعتاب

تسمع اذان موعد احلامك
منك يريد شدة احزامك
لحت السماء يا علي ابهامك
ومثل النجوم چانت ايامك
مهتم مشيت تنقذ اسلامك
وچان المصير يمشي جدامك
ابشهر الله ضيف وانته بصيامك
وكل خطوه نور نقلت اجدامك
رايح اتأدي الفرض ** عالقدر ما معترض
شرف اتراب الارض ** يا بو التراب

يا شمس طول العمر ** تضوي احسان وصبر
جرحك اليوم الحشر ** ينزف اعتاب

وچان الشقي يقوده شيطانه
وبوجه چان لون عصيانه
وجرد عليك سيف بهتانه
ونور السجود چان نيشانه
وعند الصباح ظلمه دنيانه
وفرض الكسوف ينعه اذانه
دين الهدى انهدمت اركانه
ابدمه انخضب راس قرآنه
والوحي ورب السما ** والرسول وفاطمه
ابحزن حامي الحمه ** لهذا المصاب

يا شمس طول العمر ** تضوي احسان وصبر
جرحك اليوم الحشر ** ينزف اعتاب

بعد الرسول ربك اختارك
بس هو چان يعرف اسرارك
راد الخؤون يطفي انوارك
كل ظنه چان يمحي آثارك
ابنوح وعزاء امست انصارك
وشچم يتيم يركض الدارك
يبچي ويريد يسمع اخبارك
عون الفقير چان فقارك
احنه نفدي اشما ردت ** بالسلامه لو گمت
وياك اخذنه لو رحت ** يا بو الاطياب

يا شمس طول العمر ** تضوي احسان وصبر
جرحك اليوم الحشر ** ينزف اعتاب

يا من چنت تنشد اعلينه
ابحب وحنان يالتبارينه
بيد الزمان لا تخلينه
جرحك ترك چم جرح بينه
لا ما نمل من بواچينه
جاري الدموع ما يكفينه
نبچي ونصيح وينه مهدينه
شيعه ونريد ثار والينه
گوم يا سيف العدل ** خل جرحنه يندمل
وبتدي بأول طفل ** وصوبه الباب

 

للشاعر: سيد سعيد الصافي