آيات (مكتوبة) - باسم الكربلائي

 

 

آیات هذا الدمع
آیات ما تنسمع

لا تبچین عمّه ابداعت الغالي
رقیّه ابدمعتچ الموت یبرالي

هزّیتي العرش بالدمع ما تدرین
و تبچي أملاک ربچ من تبچین
کون أدري الدموع اترجّع المیتین
لَبچي ابدَم لمن ما یرجع الوالي

یَـ عمّه شلون أعوفه و چنت ماعوفه
و أشوف الموت کون ابیوم ماشوفه
أبوي الچان یمسح راسي بچفوفه
و لا خَلّه الهوه ایمِس طارِف إذلالي

أحلفچ بالـ یِبَس فوگ النحر دمه
و علیچ ابداعت العباس یا عمّه
لا تبچین خاف ادموعچ اتلچمه
من اتطیح فوگ المنحر اتلالي

شلون أنسی الضوه الما فارگ اعیوني
عزیزة گلبه لو رادوا یِسَمّوني
یزعل لو سمع بیهم یزعلوني
أبویه الچان بیده ایحَجِب إخیالي

و حگ دمعچ رقیّه الـ عالنحر تسبیح
روحي اتطیح وي دمعاتچ من اتطیح
علی راسي یَزینب صوت أبوچ ایصیح
شیلي الما شلتها ابیوم عن بالي

أبوي الـ بالحوافر داسوا اضلوعه
و علیه شربة الماي أصبحت ممنوعه
شلون أنسی الیصیح و نزلت ادموعه
یا عباس جیب الماي لطفالي

لا تبچین عمّه ابداعت اعیوني
جرحي انتي و أخافن بي یلچموني
مارید العِدَه ابموتچ یشوفوني
مکسوره و خیالچ إجفاچ یبرالي

و حگ الکِفَل خدرچ إلّا أموت اویاه
ما دام الدمع مابي نفع مبچاه
شلون أدخل الـ بیته و بعد ما ألگاه
شلون أرجع الـ بیتي و مِن ضِواه خالي

 

للشاعر : ناظم الحاشي