للعيون - فيديو (مكتوبة) - باسم الكربلائي

 

 

للعيون شوفة عيونك ضوه
للجروح أشعر بملحك دوه
بلا ماي بلا ماي قلبي من حبك روه

قافل بقلبي عليك وما فتحته
سلمت مفتاحه بيدك من قفلته
هواي قالوا شوف غير اللي عشقته
ورحت أشوفن غيرك انت وشفتك انت
بالاصلاب بيك سر محبتي
ولا اريد عشق ثاني بدنيتي
اذا موت اذا موت ما أشم غيره هوه

آنا حبيتك وأحبك عن قناعه
وأحسب لموعد لقائك ساعه ساعه
الطاعة بالحب بس الك محسوبه طاعه
يالجواد وبابكم باب الشفاعه
بالقلوب هذا نور محبتك
تقي الدين طاعة الله بطاعتك
ولا قول ولا قول قلبي بهواك انچوى

كل صفات الأنبياء انت بصفاتك
مثل قصة يحيى ياقصة حياتك
ظنوا الاسلام ينهونه بوفاتك
مادروا موتك لدينك بيه نجاتك
بالاوصاف عندك اوصاف النبي
بالاحكام تحكم بأمتك صبي
بلياك بلياك كل حكم ثاني انطوى

من شبابك ودعت دنيا المطامع
ماصرت للمعتصم فد يوم تابع
انت تاسع لكن بيا شجرة تاسع
شجرة الأول ترى الماصار رابع
يَ مسموم ياولي من أصل الولي
يَ معصوم ياعلي و كلّك علي
بالاطماع بالاطماع انت شخصك مَ انغوى

هذا حبي وياك رابي من الطفوله
عشق فطري ومايجي لغير بسهوله
يالزكي وحبك بخيت اللي ينوله
هذا حب مثل الصلاة ردّه وقبوله
بالآيات هذا حب نازل فرص
بالكتاب للسمه واهل الارض
واليفوز واليفوز من ثمر حبك حِوَه

ياشمس نور السلاله الهاشميه
غيرتك بيها الشرارة الحيدريه
الله يشهد سيدي وتشهد عليّه
آنا يم غيرك فلا مديت إديّه
على الباب من أجيك بمشكله
يمولاي چني أدعي بكربله
تجازيه تجازيه كل من لبابك نِوَه

من يصيح اسمك بشر غير بلسانه
قلبي مثل الطير مايبقى بمكانه
صوت من سابع سمه لبابك دعانه
لأن ربنا يريد يمك ملتقانه
فلا شوف غيرك انت بناظري
بالوجوده وجهك يسر خاطري
بجاهك بجاهك ندخل لجنتك سِوَه

آني من حبيت ماحبيت وحدي
هواي قبلي الحبتك وهواي بعدي
يالجواد ودمعتي اليوم على خدي
والمصيبة العدكم أهل البيت عندي
قناديل نورت عقل البشر
قرابين من النبي للمنتظر
يظهرون يظهرون لو ظَهر راعي اللِوَه

 

للشاعر : ناظم الحاشي