اجيتك (مكتوبة) - باسم الكربلائي

 

 

اجيتك اخدمك واني ممنون
لگيتك مرادي واجري مضمون
فرض عندي زيارتك ** عمري فدوه الخدمتك
واني ممنون

اجيتك باعتقادي وخالص النيه
عبد ما بين اديك وآمر عليه
اجي اعله الراس اذا ما تكفي رجليه
إلك خادم اضل لآخر نفس بيه
شعوري ** اسمعك ** يا هلا تگول
سروري ** موالي ** وقصدي مقبول
وانحسب من شيعتك ** عمري فدوه الخدمتك
واني ممنون

اجيتك اخدمك واني ممنون
لگيتك مرادي واجري مضمون
فرض عندي زيارتك ** عمري فدوه الخدمتك
واني ممنون

شفت كل الحوائج حلها يم بابك
صبح واجب عليه اسجد على اعتابك
سجين وراهب وطاموره محرابك
بعد يا دمعه ما تنزل على مصابك
بچيتك ** ولو ما ** تكفي الدموع
نعيتك ** نواعي ** الگلبه مفجوع
حزن روحي امصيبتك ** عمري فدوه الخدمتك
واني ممنون

اجيتك اخدمك واني ممنون
لگيتك مرادي واجري مضمون
فرض عندي زيارتك ** عمري فدوه الخدمتك
واني ممنون

امدحك من ردت يا موسى ابن جعفر
رجف گلبي واحس الساني يتعثر
اذان الحق سمعته ابمرقدك كبر
لون تدري ابفضل هذا الغصن شثمر
صفاته ** مسامح ** غيضه مكضوم
حياته **قضاها ** ابسجن الهموم
من سمعت ابقصتك ** عمري فدوه الخدمتك
واني ممنون

اجيتك اخدمك واني ممنون
لگيتك مرادي واجري مضمون
فرض عندي زيارتك ** عمري فدوه الخدمتك
واني ممنون

اذا جدك محمد وامك الزهره
اصل غصنك فرع من شجرة القدره
على المثلك قليله الدمعه والحسره
غريب ولا معين المن هله ايحضره
دعائه **حزين ** ويجرح الصوت
رجائه ** تقرب ** ساعة الموت
والله ينظر حالتك **عمري فدوه الخدمتك
واني ممنون

اجيتك اخدمك واني ممنون
لگيتك مرادي واجري مضمون
فرض عندي زيارتك ** عمري فدوه الخدمتك
واني ممنون

من سجن السجن لمن ينقلونه
اگول ابيا ذنب چانوا يطلبونه
تحت امر الخليفه الطاغي يردونه
و على بغض الوصي حيدر يبغضونه
ظلمهم ** ورث من ** ظلم الاعراب
خصمهم ** محمد. ** يوم الحساب
من يقدم شكوتك ** عمري فدوه الخدمتك
واني ممنون

اجيتك اخدمك واني ممنون
لگيتك مرادي واجري مضمون
فرض عندي زيارتك ** عمري فدوه الخدمتك
واني ممنون

كتاب الله ابسجن هارون تأويله
ولا يگدر نهاره ايميزه من ليله
سجن مظلم غدت حيطانه تبچيله
ولا نندل مكانه وحته نمشيله
يشيعه ** وبعد ما ** ندري بالصار
فجيعه ** اجتنه ** اتگول الاخبار
كل املنه ابطلعتك ** عمري فدوه الخدمتك
واني ممنون

اجيتك اخدمك واني ممنون
لگيتك مرادي واجري مضمون
فرض عندي زيارتك ** عمري فدوه الخدمتك
واني ممنون

والمبشر اجانه ابخبر ونسمعه
يشيعه ايگول يوم الموعد الجمعه
طلعنه الشوفته نركض فد طلعه
ما ندري الغريب ايريدنه انشيعه
فزعنه ** نشوفك **جينه بالحال
رفعنه ** جنازه ** او بيها اغلال
ردنه نحضر ابشوفتك ** عمري فدوه الخدمتك
واني ممنون

اجيتك اخدمك واني ممنون
لگيتك مرادي واجري مضمون
فرض عندي زيارتك ** عمري فدوه الخدمتك
واني ممنون

يناعي بالصحن هذا الغريب امنين
ليش اعله الجسر وين اهله راحو وين
غريب الما تشيع ابو اليمه احسين
ولا تنشف على امصابه دموع العين
ضحايه ** اخوته ** وكل الاصحاب
سبايه ** عياله ** ابولية اجناب
يالرثينه ابدمعتك ** عمري فدوه الخدمتك
واني ممنون

اجيتك اخدمك واني ممنون
لگيتك مرادي واجري مضمون
فرض عندي زيارتك ** عمري فدوه الخدمتك
واني ممنون

 

للشاعر: سيد سعيد الصافي الرميثي