يا أمير (مكتوبة) - باسم الكربلائي

 

 

يا أمير بن الأمير سبحه بچفوفك نصير

يالصعب توصيفك
إحنه دوم بكيفك .. نبقى عُشاگ
سبحة بين چفوفك
نبوسهن و نطوفك .. لا للفراگ
يا إبن جعفرنه
هاك أخذ ناظرنه .. عوف الأشواگ
حضرتك حضرتنه
من الخطر حرستنه .. حگنه نشتاگ
شيعي بأشواگك أسير
سبحة بچفوفك نصير

الماتبع منهاجه
ماعرف منهاجه .. لا يحسّ بي
خلهم يكرهونه
مملكه بعيونه .. تنادي لبيك
تدري من صبانه
صحنه يا مولانه .. بدمّنه نفديك
بفضلك مجازينه
شما إلك سوينه .. ما نجازيك
المامشى بدربك ضرير
سبحه بچفوفك نصير

السجن من شافك
إرتبك بأوصافك .. أوصافك إيات
مدري چم سُبحانك
نزلت انتَ بشانك .. من السماوات
ما درى بعيونك
شلت اليحبونك .. رغم الآهات
والنعم يالكاظم
صحت لا للظالم .. صرت ثورات
ثورتك من القدير
سبحة بجفوفك نصير

يا أمان أحلامنه
بيك تحلى أيامنه .. تحلى دنياي
شوفتك محلاهه
حيل تشبه طه .. من الله مولاي
عدّنه هاي الرؤيه
نموت بيك ونحيه .. گلبه شرّاي
صحنك النوراني
صاح دم شرياني .. نحبك هواي
حبنه احلى من الحرير
سبحة بجفوفك نصير

ندري باليهواكم
دوم كون وياكم .. نعيش الطفوف
إحنه من عشناها
بالعقل شفناها .. تهلهل سيوف
بصوت صرّح دمّنه
نوركم هيمّنه .. شنهي الحتوف
دسّنه فوگ الذله
بروح ماتتخلى .. عن ضوه الشوف
وين ما ترغب ندير
سبحه بچفوفك نصير

دمع عيني تلوموني منهله
كلّ مسجون إله زياره من أهله
أريد آنه اسأل الكاظم مَنْ أهله
وبعيده ديارهم أهل الحميّه

الكاظم من وصل يمّه وزاره
و من ضمّد جرح گلبه وزاره
كلّمن صار إله ناصر وزاره
حضّه بصك الشفاعه من الزچيه

 

للشاعر : سليم الغزالي