أدري صعبة وغلاتج (مكتوبة) - باسم الكربلائي

 

 

أدري صعبه و غلاتچ و البقیّه بحیاتچ
ما ظلت أعجوبه محسوبه مکتوبه
الله و رایته
و الوالي یرعانه ابـ ممشانه ویّانه
عَمّي و رایته

هذا دیدان الأسود و موت الرجال
حتی من اتموت هم اتموت الأبطال
عمّه ما تحني العواصف ظهر الجبال
شیلي راسچ للسما انتي و العیال
صح إدینه امگیّده یا عمّه بحبال
بستطاعتنه یا عمّه انغیّر الحال
خلّي إیدچ بیدیه تنگلب ضد أمیّه
یا عمّه إبدیها قولیها سمیها
ثوره إعلی الشمر
حتی البشر ینصف ما یحرِف خل یعرف
فعل أم الخدر
انتي سیفچ عباتچ و البقیّه بحیاتچ

عمّه صح آني علیل و ضایع إدواي
بس أنا عندي عصاتي و انتي ویاي
صح کلیم الله بعصاته یشطر الماي
أگدر أشطرها الأرض بس ما ردت هاي
صح سبونه و عذبونه و الحچي اهواي
و الذبح سبط النبي بظعوني حدّاي
بس و حگچ نذلهم و الخزي یبقی الهم
و إحنه نظل عالي للتالي و الوالي
یبقی حیــدره
و الکافل یراقب ما غایب و ایحاسب
دنیه و آخره
عمّه بَشري خواتچ و البقیّه بحیاتچ

للشمر گولي سلاماً من تسمعین
هذا جاهل شامت و یتمنی تبچین
هو بیده گیّدچ رادچ تِذِلّین
انتي لبوه و حتی بگیودچ تِخَوفین
ابدم إخوتچ یرتوي من یعطش الدین
الله رادچ بالسبي حیـدر تصیرین
عمّه دوسي المآسي عمّه رفعي لي راسي
خلیني أتناحر و أتناظر و أتفاخر
انتي عمّتي
من أنظر الـ لونچ و عیونچ و متونچ
أرفع هامتي
حیـدر أربع جِهاتچ و البقیّه بحیاتچ

عمّه لازم نِبني دوله حیـدریـه
لا مکان ایلیق غیر الغاضریه
دوله للخِدّر أمیرتها سبیّه
ما شفت تصلح سفیره بس رقیّه
اتطیر من ظعنچ حمامه فاطمیّـه
من الخرابه للسماوات العَلیّـه
إحنه أهل السیاده و القتل إلنه عاده
إحنه الله ربّانه خلانه و إنطانه
هاي المکرمه
شرّفنه بالأنور و الکوثر و ابـ حیـدر
و اُمنه فاطمـه
عمّه إمشي ابرهاتچ و البقیّه بحیاتچ

عمّه عد عیناچ و آني زین العباد
والله وین انصیر إحنه نبقی أسیاد
هذا جلدي ما تضرّه اسیاط جلّاد
أبقی قائد حتی لو بحبال أنقاد
صوتي شبه العاصفه بوجوه الأوغاد
لا فتی إلّا علي و الیخسه إزیاد
هذا صوت الیکفلچ عفیه إختي یگلچ
عفیه إختي وفّیتي کفّیتي و إنطیتي
للعالم عِبَر
یالزودچ ابگدّي و إتصَدّي و إتحدّي
انتي إخت الگمر
وحدچ ابلا حماتچ و البقیّه بحیاتچ

ینظر اعلیچ العدو و أعرف مرامه
خل یسولف لا تفکرین ابکلامه
من تکلمینه تره یرفع مقامه
و الذلیل ایموت و بحسرة کرامه
الدنیا لولانه تره تبقی ابسلامه
خل نسویها إعلی بن هنده قیامه
عمّه هذا بوفاضل کافل و یبقی کافل
و عیونه ویایه حمّایه و الرایه
بعیون القدر
هالرایه بالحاصل من کافل یستاهل
چَف المنتظر
عمّه إدعي بصلاتچ و البقیّه بحیاتچ

عمّه و الزهره أطمنچ عندي أخبار
باچر إنشاهد ملایین امن الأنصار
مهما تکبر کربلا تملیها زوّار
یبقی ابوفاضل حَرَسها و بیده فقّار
إحنه أسسنه منابر تصنع أحرار
الشرف إلنه یا عمّه و للخصم عار
من ثمار المجالس عدنه کل شیعي عابس
شیعتنا وفّایه و الغایه مشّایه
أهل المرجله
خلیها تتوذر تتفجر هم تحضر
ممشه لکربلا
أدري هاي أمنیاتچ و البقیّه بحیاتچ

 

للشاعر : السيد عبد الخالق المحنة