واهم (مكتوبة) - باسم الكربلائي

 

 

واهم مو بالسهوله انته تحكم قيدي
واهم هاي السلاسل ما تأثر بيدي

من توصل المشايه تكسر قيودك هايه

هاي السلاسل ما تأثر بيدي

انه العليل وعلتي من فاركوني انصاري
يالقيدتني بعسكرك لابد تجيك اخباري
كل اربعين اطلب مدد من الحسين لثاري
ويكَلي ابشر يابني ارسل الك زواري

ايدك باقي فعلها بعدك يلعنونه
قيدك هذا البديه بالمشي يكسرونه

وبثاري تنزل ايه من توصل المشايه

هاي السلاسل ما تأثر بيدي

واهم مو بالسهوله انته تحكم قيدي
واهم هاي السلاسل ما تأثر بيدي

من توصل المشايه تكسر قيودك هايه

هاي السلاسل ما تأثر بيدي

قيدني مهما حاولت ما تنتصر بالاخر
اقسم وحق المنذبح والصدره رضه الحافر
هذا طريقي ال بالاسر من بعد يوم العاشر
كل خطوة بي لآل النبي من عدها يطلع ثائر

غالي يبقى الحسين وما تعوفه انصاره
عالي تسمع هتاف الثوره من زواره
لله بيهم غايه من توصل المشايه

هاي السلاسل ما تأثر بيدي

واهم مو بالسهوله انته تحكم قيدي
واهم هاي السلاسل ما تأثر بيدي

من توصل المشايه تكسر قيودك هايه

هاي السلاسل ما تأثر بيدي

تنهار يمهم قوتك تل بجرف شاطيهم
والكَاع تتلون مثل لون السواد البيهم
ذاك الوكَت جيشك بعد ما يكَدر ايلاكَيهم
الكون تلكَاه يرتجف كله لوكَع رجليهم
لازم تحسب حسابك قوتك تنساها

قادم روج اليتامه الجف علي رباها
جيشك يتيه رايه من توصل المشايه

هاي السلاسل ما تأثر بيدي

واهم مو بالسهوله انته تحكم قيدي
واهم هاي السلاسل ما تأثر بيدي

من توصل المشايه تكسر قيودك هايه

هاي السلاسل ما تأثر بيدي

ماعدهم سيوف ونبل لا رمح لا خياله
بس عدهم سلاح العشق اسمه الحسين وآله
واحدهم مدرع صبر والخوف ما يدناله
يمكن اذا ظله انجرح ينزف وفه من خياله
عابس بالخدمه واحدهم تشوفه يقاتل
فارس متعلم وماخذ وفه من الكافل
تمطر زلم وفايه من توصل المشايه

هاي السلاسل ما تأثر بيدي

واهم مو بالسهوله انته تحكم قيدي
واهم هاي السلاسل ما تأثر بيدي

من توصل المشايه تكسر قيودك هايه

هاي السلاسل ما تأثر بيدي

آنا الملائكة السما تتعب من اسجد ليلي
كل اليهمني الاخره والدنيا ما تعنيلي
الموت متحير بقى امشيله لو يمشيلي
كل طفله تعثر بالسبي وياها يوكَع حيلي
جروحي اعداها من احسبها ما معلومة
روحي بيها رقيه عالحزن مرسومه
تشهدلي المصلايه من توصل المشايه

هاي السلاسل ما تأثر بيدي

واهم مو بالسهوله انته تحكم قيدي
واهم هاي السلاسل ما تأثر بيدي

من توصل المشايه تكسر قيودك هايه

هاي السلاسل ما تأثر بيدي

صد لملامح كربله تلكَه الدما مغطيها
يتغير بمر الزمن حاضرها عن ماضيها
ترد الخيام الوجرن زوار تكَعد بيها
وحسين يسكن كربلا والكافل اليحميها
صله بيها الحسين وصاح الا من ناصر
والله العدو يوم زيارته ايظل حاير
اخذوها مني حجايه من توصل المشايه

هاي السلاسل ما تأثر بيدي

واهم مو بالسهوله انته تحكم قيدي
واهم هاي السلاسل ما تأثر بيدي

من توصل المشايه تكسر قيودك هايه

هاي السلاسل ما تأثر بيدي

قيدني بس اتوعدك هاي السلاسل شاهد
والله كل جيشك غدا ينمحي بموكب واحد
كل فرد بيهم شيمته بكل اليملكه يجاهد
خدامنه ورتبة شرف خادم الموكب قائد
سيفه خطوة مسيره من يعوف دياره
ضيفه يعتبره الحسين وقصد خطاره
فوكَ السما ترف رايه من توصل المشايه

هاي السلاسل ما تأثر بيدي

واهم مو بالسهوله انته تحكم قيدي
واهم هاي السلاسل ما تأثر بيدي

من توصل المشايه تكسر قيودك هايه

هاي السلاسل ما تأثر بيدي

 

للشاعر : إيهاب المالكي