عم الدين (مكتوبة) - باسم الكربلائي

 

 

بعصر المثالب ** عمرك مناقب
عش يا بو طالب ** عم الدين
يابو المهمه **عالقمه قمه
من غيرك اسمه** عم الدين

العقل لمن يوصفك صعبه يتوالم
كلامات المديح بفكري تتزاحم
يبو اعظم واجل اثنين بالعالم
شكثر يتمنه لو صاير ابوه ادم
بشيبة وقارك **معموره دارك
بيت الله جارك ** عم الدين
عالكعبه دربك ** والله يحبك
صرت اعله تعبك ** عم الدين

بعصر المثالب ** عمرك مناقب
عش يا بو طالب ** عم الدين
يابو المهمه **عالقمه قمه
من غيرك اسمه** عم الدين

حياتك بيه مانلگه طعم اصنام
يمسلم من قبل لا يوجد الاسلام
محمد كافله من عصرته الايام
بعظمته ايقبل ايدك لآخر الاعوام
اتقدمه اعله حيدر **بكل شي تصدر
ومنك تشكر ** عم الدين
ناصع طريقك ** والحب صديقك
العتره رحيقك ** عم الدين

بعصر المثالب ** عمرك مناقب
عش يا بو طالب ** عم الدين
يابو المهمه **عالقمه قمه
من غيرك اسمه** عم الدين

الملائك كل مسيه نتزل ابيتك
قريش لهسه تحچي ابمنزلة صيتك
ربيت الوصي وما خان تربيتك
شسوه للنبي اتشوفه تمنيتك
وفه الامانه ** بنص الخيانه
بفضل الديانه ** عم الدين
بكل المعارك ** انته تشارك
ويه الملائك ** عم الدين

بعصر المثالب ** عمرك مناقب
عش يا بو طالب ** عم الدين
يابو المهمه **عالقمه قمه
من غيرك اسمه** عم الدين

حچيت احچايه مكه اشما بقت تشهد
يناس اشهد رسول الله النبي احمد
بمحمد من متت صار الزمان اسود
وچم مؤمن رجع من دفنتك مرتد
ابده الشهاده ** بعدك تماده
تبقه السياده ** عم الدين
عافوا محمد ** بالقله اوحد
وبعينه مرقد ** عم الدين

بعصر المثالب ** عمرك مناقب
عش يا بو طالب ** عم الدين
يابو المهمه **عالقمه قمه
من غيرك اسمه** عم الدين

نزل جبريل من شاف النبي حاير
محمد لا تظل والافضل تهاجر
مكه ما الك بيها بعد ناصر
وبأسرع وقت من هالوطن سافر
واقع يحمله ** والدنيا رحله
مات اليگله **عم الدين
اخر غيابك ** شمعه اعله بابك
وخط بترابك ** عم الدين

بعصر المثالب ** عمرك مناقب
عش يا بو طالب ** عم الدين
يابو المهمه **عالقمه قمه
من غيرك اسمه** عم الدين

بتراب وتسمع شعنك حچه الناصب
يكرهونك لأن والد اسد غالب
جهنم جنه لو بيها ابو طالب
شغير حچيهم** ماصح بديهم
غصبا عليهم ** عم الدين
اخر كلامي ** لفضلك سلامي
انت المحامي ** عم الدين

بعصر المثالب ** عمرك مناقب
عش يا بو طالب ** عم الدين
يابو المهمه **عالقمه قمه
من غيرك اسمه** عم الدين

 

للشاعر: حمزه السماوي