حزينة أخبارك (مكتوبة) - باسم الكربلائي

 

 

يا محمد حزينه اخبارك ** والمدينه صفت مو دارك
هاجر اليوم واخذ كرارك

بعد ابو طالب صفيت ابلا كفاله
هذا اخر اوصياء الله تعاله
يا محمد وحدك تظل استحاله
راح ابو طالب لچن حيدر بداله
لا يكسرك **رحيل الغالي
العنده حيدر ** ابد ميبالي
هذا ابو حسين **خزين اسرارك

يا محمد حزينه اخبارك ** والمدينه صفت مو دارك
هاجر اليوم واخذ كرارك

الينصرك مات والباري يعينك
هاجر اليثرب ي طه واحمي دينك
هو درعك چان يستاهل ونينك
بس بقه حيدر علي سيف ابيمينك
شيخ الاسلام** ابو الوفايه
بيد ابو احسين ** يخلي الرايه
يبقه يمناك ** علي ويسارك

يا محمد حزينه اخبارك ** والمدينه صفت مو دارك
هاجر اليوم واخذ كرارك

اليضحي ابأبنه من اجل العقيده
يعني مؤمن والرجس ما لامس ايده
يا محمد والكلام اشگد نعيده
هو لن والد علي محد يريده
چي ابو الحيد ** علي ايكرهونه
لو ابو فلان ** تره ايقدسونه
من فگدته **فگدت انصارك

يا محمد حزينه اخبارك ** والمدينه صفت مو دارك
هاجر اليوم واخذ كرارك

هذي معجزاته اليطيع الله ونبيه
الخله ابنه اينام بفراشك ضحيه
سيد البطحاء شيخ الحيدريه
هذا اول ناصبي عالناصبيه
يهل العقول ** دليل ايمانه
خيرة الناس ** حمل جثمانه
تحلم اعداك ** تطفي انوارك

يا محمد حزينه اخبارك ** والمدينه صفت مو دارك
هاجر اليوم واخذ كرارك

الارض ماتخلو من حجه مؤكد
يعني هو الحجة قبلك يا محمد
بالشهاده الثالثة حتما تشهد
عاليتهمونه ابشرك يا طه اشهد
رغم الاحقاد ** ولا طخ راسه
وجه مهيوب ** علي ابأنفاسه
عمك وياك ** الك بتارك

يا محمد حزينه اخبارك ** والمدينه صفت مو دارك
هاجر اليوم واخذ كرارك

والمخالف يمته يفتح عينه مره
يبقه اعمه اليا وكت والدنيا نضره
الحارب الاسلام يحترمه ويوقره
لكن الكافل رسول الله يكفره
سيد الناس **تسميه كافر
خصمك ايصير **محمد باچر
يالمخالف ** خبيثه افكارك

يا محمد حزينه اخبارك ** والمدينه صفت مو دارك
هاجر اليوم واخذ كرارك

يا محمد كلمة نحچيها ابجداره
اسم ابو طالب يظل سيف الغياره
شيعة المهدي بقت رهن الاشاره
بسم ابو طالب يزفون البشاره
رفعت الراس ** جنود القائم
طير ابابيل ** على كل ظالم
وانظر اليوم ** فعال احرارك

يا محمد حزينه اخبارك ** والمدينه صفت مو دارك
هاجر اليوم واخذ كرارك

 

للشاعر: سيد عبد الخالق المحنه