آنه الهلال (مكتوبة) - باسم الكربلائي

 

 

آنه الهلال ابن الگمر ابن الكواكب
آنه الفضل شاهد عيان اعله المصايب
خلاق البرية. بالشمس. مذبوحه شمسه
من هاي الرزيه. مدري شذكر. مدري شنسه

قبل النوح. عالمذبوح
خل ابنفسي اعرف للذي ايطالب
انه النور. ابن النور
الگمر ابن علي ابن ابي طالب
بالاحزان. اروي الجان
ام اربع شبيبه من بني غالب
ضلت دوم. تبچي ادموم
من كثر السهر منها الجفن ذايب
ام البنين او قدمتهم للمنيه
باعت ولدها خاطر اعيون الزچيه
واحدهم كتيبه او للعقيله امفدي نفسه
من فضل الشبيبه. مدري شذكر. مدري شنسه

انه الهلال ابن الگمر ابن الكواكب
انه الفضل شاهد عيان اعله المصايب
خلاق البريه. بالشمس. مذبوحه شمسه
من هاي الرزيه. مدري شذكر. مدري شمسه

ذكره وياي من دنياي
عاشت بالطفوله او كبرت ابذاتي
ابهالاحساس ام عباس
توصي والدي وتخبره بالاتي
بالك زين. هذا احسين
لا تگله يخويه گله يا غالي
صيحه ابهاي يا مولاي
او زينب بت علي گلها يا مولاتي
بالك تخلي عينك ابعينه او تكلمه
خل ايدك اعله الراس حين اتجيب اسمه
هذا ابن الزچيه. من قداسة الله قدسه
وانه ابهاي الوصيه. مدري شذكر. مدري شنسه

انه الهلال ابن الگمر ابن الكواكب
انه الفضل شاهد عيان اعله المصايب
خلاق البريه. بالشمس. مذبوحه شمسه
من هاي الرزيه. مدري شذكر. مدري شنسه

اذكر زين ناعي البين
من طب للمدينه او ناشر اعلامه
شگ الزيج حزنه ايهيج
صاح اوشال ايده وذب لعمامه
يهل الخيل. تحت الخيل
هاذا احسينكم وامهشمه اعضامه
ضل عريان. والعدوان
هجموا عالحريم او حرگوا اخيامه
فوگ المتن چنت او طحت لمن بشر صاح
جسمه رميه اعله الثره او راسه اعله الرماح
والخيل برجلها اتگلب ابجسمه او ترفسه
ومن اروي فعله. مدري شذكر. مدري شنسه

انه الهلال ابن الگمر ابن الكواكب
انه الفضل شاهد عيان اعله المصايب
خلاق البريه. بالشمس. مذبوحه شمسه
من هاي الرزيه. مدري شذكر. مدري شنسه

بالاهات والحسرات
اتلاگينه اويه زينب تالي ملگله ارواح
صحن الدار. مجلس صار
ثواكل كلها تنعه او تصفج اعله الراح
بسم الله. بسم الاه
العليله اتعيد چلمات الحزن بصياح
گلبي ناح. شيبي لاح
دمعي ساح. سوري طاح. عودي راح
عمتي اتصيح احسين. امي اتصيح عباس
سكنه تهل العين. ليله تلطم الراس
رمله اتگ صدره عالذي موته اويه عرسه
من احجي بقهرها. مدري شذكر. مدري شنسه

انه الهلال ابن الگمر ابن الكواكب
انه الفضل شاهد عيان اهله المصايب
خلاق البريه. بالشمس. مذبوحه شمسه
من هاي الرزيه. مدري شذكر. مدري شنسه

شفنه الحال. والاطفال
بالحر والشمس متغيره الالوان.
مصفرين معذورين
خرابه لاسگف بيها ولا بيبان
الكل مذهول مو معقول
من رحتوا العدد وياكم اكثر چان
نسأل وين. عن اثنين
عبدالله او رقيه وين يالنسوان
لن زينب اتجاوبها اسمعي يالتسألين
بين الطشت والنبله راحوا يم البنين
واحد بالمدينة. والسهم بوريده امسه
اما عن رقيه. مدري شذكر. مدري شنسه

انه الهلال ابن الگمر ابن الكواكب
انه الفضل شاهد عيان اعله المصايب
خلاق البريه. بالشمس. مذبوحه شمسه
من هاي الرزيه. مدري شذكر. مدري شنسه

ابهمها اتحوم. وابكل يوم
تطلع للبقيع وتنصب المأتم
لهل الدور. تبني اگبور
تنعه ابدور محجوبه اب تراب او دم
تجرها والجفن باليل ماسلم
شلون يهيد صفج الايد
ومثل طحن الرحه يطحن ضلعها الهم
وي كل نفس لمن تجره ترتفع اه
ابكل دمعه من تنزل تنادي حسبي الله
ضل محني ضلعها والدمع جاري اشيحبسه
وابصفنة دمعها. مدري شذكر. مدري شنسه

انه الهلال ابن الگمر ابن الكواكب
انه الفضل شاهد عيان اعله المصايب
خلاق البريه. بالشمس. مذبوحه شمسه
من هاي الرزيه. مدري شذكر. مدري شنسه

عگب الصار بالاقمار
شالت حزن ميشيله جبل حمرين
من الويل ماضل حيل
ثلث اسنين مروا چنهم اثلاثين
گبل المون لآخر صوت
عله مكه الوجه بس للطفوف العين
تلهج بيه واتناديه
ايحسن. ايحسين. ايحسين
من راية العباس فصلنه چفنها
او چني ابعلي السجاد وسدها او دفنها
بدموعه الغزيره شگ لحدها او سوه رمسه
او باللحضه الاخيره. مدري شذكر. مدري شنسه

انه الهلال ابن الگمر ابن الكواكب
انه الفضل شاهد عيان اعله المصايب
خلاق البريه. بالشمس. مذبوحه شمسه
من هاي الرزيه. مدري شذكر. مدري شنسه

 

للشاعر: عادل اشكناني