محتاج أشوفك (مكتوبة) - باسم الكربلائي

 

 

محتاج اشوفك مُر عليّه .. يوسف الزهره
أهاتي نُـــدبه مٙهـــــدويّٙه .. يوسف الزهره

يِمُوت الـــصبر لمن أقره موضوعك
عٙسه أيامي طويله وأدرك ارجوعك
شكو مٙجــلس أدخله أشٙتم دموعك
من كل بـــــاب الله يسٙلّٙـم اضلوعك
بالروح ناصبلك عٙزيّٙه .. عالـــضلع أقره
آهاتي نُـدبه مهــدويّٙه .. يوسف الزهره

أدورك ويـن أشوفك يا نبض بيّه
عله المـنبر عٙساك اتـــباوع أعليّٙه
تبچي امن أقره عالزهراء لطميّه
أعـرفك گاعد اباب الحـــــسينيّه
واحساسي يهديلك تٙحيّه .. بنٙغمٙة الحسره
أهاتي نُـــدبه مهــــــدويّه .. يوسف الزهره

المجالس هالوكت تحتاجك تريدك
دمعــتـــك يابو صالح گد مواليدك
(دِعْبِل) عالضــلع من يكـتب بأيدك
(أصِف) سيدي و(عابس) رواديدك
تقيـــــم الليالي الفاطميه..وانه عالفــطره
أهاتي نُـــدبه مهــــــدويّه..يوسف الزهره

بسِجِل الخدمه بيدٙك صار توثيقي
بس يحـــتاج ويه الزهره تنسيقي
أندبك دوم مو بس بوقت ضـيقي
يبو صــــالح ومنك أدري تـوفيقي
من أبچي وألطم عالزچيّه .. تنحسب نٙظره
أهاتي نُـــدبه مٙهـــــدويّه .. يوسـف الزهره

عله أمك بالـونين امٙييِّـز أونـينك
تحــضر بالمـــآتم وي مُحـــــبينك
يمن تتمنّه روحي تـبوس چٙفينك
لعٙين الزهره هم تلطم على عينك
دٙمعٙت حٙسـرتٙك حٙيدريّٙه .. لحادث العصره
أهاتي نُـــدبه مٙهـــــدويّه .. يوسـف الزهره

يمهدي عله الزهــره من تــنوح الناس
تگعد بينـــــهم و تـسيل دمع أحساس
گلي حسين إذا يحضر يجي بلا راس
أكيد بلا چــــــــــفوفه يحضر العباس
چـٙـفينه بأرض الغاضريّه .. هـناكه عـالغبره
أهاتي نُـــدبه مهـــــدويه .. يوســف الزهره

بالمجلس لزينب دمعــه من اتسيل
بجناحه يشيل الدمـــــعه جبرائيل
عله غيابك و حزنك ونتـــي ترتيل
أقرالك النُــــدبه شما يجيني الليل
دمـعاتي تٙـلّٙــه زينــبــيّٙه .. والخِيّٙــم جمره
أهاتي نُـــدبه مهـــدويه .. يوسـف الزهره

 

للشاعر : حاتم صبري الكاظمي