من بنى ابراهيم - فيديو (مكتوبة) - باسم الكربلائي
منذ سنة٧٧٥مشاهده
|1
الليالي الفاطمية 1439 هـ
لطمية من بنى ابراهيم مكتوبة
الرادود باسم الكربلائي
من بنى ابراهيم القواعد للبيت
ثبت حجر اسعد وسر التثبيت
سر حيدر ولو خضت بحره اختليت
عكلك يعرفه لوجان.....متمسك ابراعيه
سر الخليل وحكمته وبرهانه
وجدان الاسلام انطوه ابوجدانه
لو ردت تعرف علته وعنوانه
نور الولايه ايدليك....ومشي ابصفاة النيه
ماسامع ابنار الشعلهه نمرود
برد وسلم بيمن جعلهه المعبود
وايوب بيمن سلم من داء الدود
تكفيك هاذي الآيات....واخبارهه المرويه
خمسه البسامير النزل بيهه الروح
اسماء الاشباح المزهره باللوح
سيرت سفينة نوح وبطالع نوح
نور الولايه ودلاه....بالخطة البحريه
منهو النجد يونس من بطون الحوت
غير الذي بحل المشاكل منعوت
ومن نصر داود وتفرس جالوت
سيف الولايه كفاه.....عن لامته الحربيه
يانور يوسف جان متمسك بيه
ومن انطك الشاهد الجان ينجيه!
من جان يحضر بالسجن ويسليه!
من علمه يفسر الطيف.....واسراره المخفيه
هاك اخذ معنى النور واعلم ياصاح
نور الولايه وكل نبي بيه ارتاح
نور ابسمه تكوين نور الاشباح
ضلت على ضي هالنور.....تمشي الكرة الأرضيه
يعقوب حزنه لفكد يوسف معروف
والبصر عن يعقوب اصبح مكفوف
ما تكل ليعكوب من رد الشوف؟
نور الولايه داواه.....مو لجنة الطبيه
اسكندر بنى سد وارصده عن ياجوج
ياصاحب تدري من السد الممزوج
اسماء بيهم اسم الأعظم مدروج
الاسماء منعت ياجوج....موقوة فولاذيه
ولموسى تدري من كليمه استصفاه
سر العصى واسرار آية يمناه
نور الولايه الجان يذهل معناه
موسى ابشرف هذا فاز....فاز ابرضى باريه
للشاعر : كاظم المنظور الكربلائي
التعلیقات