عين الدمع (مكتوبة) - باسم الكربلائي
لطمية عين الدمع مكتوبة
الرادود باسم الكربلائي
يتزاحم بعيني الدمع
جاوب يبسمار الضلع
وشرح حقائق مؤلمة
ياجف سطر خد فاطمه
حرام ... حرام
رغم الالم ارد اسألك
جاوب يبسمار اشجره
وضحلي موضوع الضلع
من اوله ولآخره
اسم الذي كلهم وإن
هذا الإسم تتذكره
منهو الحرك منهو الهجم
منهو الي كيد حيدره!
وضح يبسمار السبب * لاذت وره الباب شعجب!
من هالجفوف الظالمة * ياجف سطر خد فاطمه !
حرام ... حرام
يتزاحم بعيني الدمع
جاوب يبسمار الضلع
وشرح حقائق مؤلمة
ياجف سطر خد فاطمه
حرام ... حرام
سولف يبسمار اشحصل
اني لكلامك استمع
شنهو السبب وبيا ذنب
وردة محمد تنكطع
منها وصل مد الحقد
ما يوصل لهذا الوضع
هذا جزه احسان النبي!
وجه امه بيها ينصفع
نادي يشيال النعش * ماتت عمرها ثمن طعش
اول سؤال المحكمة * ياجف سطر خد فاطمه
حرام ... حرام
يتزاحم بعيني الدمع
جاوب يبسمار الضلع
وشرح حقائق مؤلمة
ياجف سطر خد فاطمه
حرام ... حرام
من دفعو الباب شكلت!
وانته طعتهم وقبلت
انته قبلت تكسر ضلع
واعرف مثلها تألمت
لو منكسر لو منحني
حتى اعرفك حاولت
كسر العظم ماينحمل
وانته بصدر فاطم نمت
من تسمع الزهرة تون * ماعندك مروه وتحن
ونها وصل سابع سمه * ياجف سطر خد فاطمه
حرام ... حرام
يتزاحم بعيني الدمع
جاوب يبسمار الضلع
وشرح حقائق مؤلمة
ياجف سطر خد فاطمه
حرام .. حرام
من لاذت تريد الستر
لكن خصمها ما رجع
والدفعو الباب شكثر
جاوبني جم واحد دفع
باب ودفع قوة زلم
عصروها والمحسن وكع
معقولة ماصاحت علي
معقولة حيدر ماسمع
صاحت يفضه استعجلي * ما صاحت الحك ياعلي
لو صاحت يسل صارمه * ياجف سطر خد فاطمه
حرام ... حرام
يتزاحم بعيني الدمع
جاوب يبسمار الضلع
وشرح حقائق مؤلمة
ياجف سطر خد فاطمه
حرام .. حرام
من كيدو خير العمل
والزهره مدمعها يهل
مهضومه مكسوره ضلع
وبخدها سطرت جف نذل
زينب تباوع فاطمه
وتباوع لمقتل طفل
وام الحسن تنظر علي
والكل فعل ردة فعل
كالتله احبس دمعتك * كلنه يحيدر فدوتك
راح وفقاره يكلمه * ياجف سطر خد فاطمه
حرام ... حرام
يتزاحم بعيني الدمع
جاوب يبسمار الضلع
وشرح حقائق مؤلمة
ياجف سطر خد فاطمه
حرام .. حرام
طاحت مثل طيح الندى
سكته ومدامعها حمر
ماشافت الوالي حضر
بس شافت نجوم الضهر
وابتسمت ابوجه الولي
كالتله ياحيدر صبر
كل همها من كادو علي
ما همها بسمار الصدر
كامت واديها ترتجف * مرة مشي ومرة زحف
هذا الالم ما اعظمه * ياجف سطر خد فاطمه
حرام ... حرام
يتزاحم بعيني الدمع
جاوب يبسمار الضلع
وشرح حقائق مؤلمة
ياجف سطر خد فاطمه
حرام .. حرام
سولفلي عن زينب بعد
من شافت امها تحتضر
من انسطر خد فاطمه
يعني وجها ينسطر
اليوم انكسر ضلع النبي
باجر ضلع من ينكسر !
يافاطمه وكلمة وإن
باجر يرددها الشمر
ازرق بده لون الجفن * وتصورت سوط المتن
صاحت يا حماي الحمه * ياجف سطر خد فاطمه!
حرام ... حرام
يتزاحم بعيني الدمع
جاوب يبسمار الضلع
وشرح حقائق مؤلمة
ياجف سطر خد فاطمه
حرام .. حرام
سولف يبسمار الالم
زينب تشوفك معضله
زينب تره من شافتك
شافت سهم من حرمله
من شافت الباب احترك
شافت سبايا العايله
ثكل الحوافر ع الصدر
يعني المصاب بكربله
من الحوافر والحفر * متساوي صدره والظهر
آخر كتابات الدمه * ياجف سطر خد فاطمه
حرام ... حرام
يتزاحم بعيني الدمع
جاوب يبسمار الضلع
وشرح حقائق مؤلمة
ياجف سطر خد فاطمه
حرام .. حرام
للشاعر: السيد عبدالخالق المحنة
التعلیقات