سلام الله (مكتوبة) - باسم الكربلائي

سلام الله على موسى ابن جعفر و الجواد

گاصد و كل خطوة دمعة دمعة الزاير سلام 
لو غمض جفني بمصابك يبقى جرحي ما ينام 
انت باب الله الوسيعة بحظرتك يحلى الكلام 
سابگت روحي ودمعتي و غازلن دمع الحمام 
خايف و بعيوني نظرة تحمل اشواگ و غرام
گالوا المهموم يفرح لو دخل باب المراد 

من أصفح ذكرياتك بالسجن والغربة نار
واليعيش بحفرة ظلمة  ليله يتساوى بنهار
لوحة من بعض المآسي انرسمت بدم عالجدار
چفوفك التنزف تحدي وسكتتك چانت فقار
تزاحمت بيك السلاسل مشيتك هيبة ووقار
كل شي للخالق يسبح يعلن عليك الحداد

سيدي هاي المصيبة شيبت حتى الجنين
بالسجن تبدي حياتك وانتهى عمرك سجين
من أزور الكاظمية أسمع بگبرك أنين
ياللي مدفون بگيودك حتى تابوتك حزين
وحدك ولا من عشيرة لا أخوتك لا بنين
عالجسر نادى المنادي والاهل عنك بعاد

حشمت وين الروافض  عالجسر نعش الغريب
هذا بن سيد البرية والحبيب ابن الحبيب
عالرؤوس نشيل نعشه ويكثر الون والنحيب
وين أهل هاي الجنازة أسمع ينادي الطبيب
يالمحب ابعث سلامك بالطلوع وبالمغيب
حضرة المسموم كعبة ظلت تطوفه العباد

لو شفت مسجون أذكرك واذكر مصابك وأصيح
من أشاهد حفرة ظلمة أنحب وأوگف وأطيح
لو شفت قيد وسلاسل شاهدت دمك يسيح
سيدي ياذيني جرحك من يضدمك ياجريح
والله مهضومة الغياره كلها صاحت بالضريح
يا أسد بغداد تبقى حاكم وسيد البلاد

اعض وابجي على غيابك .. بهاماي 
يبو صالح وادگ صدري .. بهاماي
عيني وداعتك ما ظل .. بيها ماي
عليك وصار طف عاشور بيه 

ترك خله على الإسلام .. بعدك
مثل جدك علي سويت .. بإعداك
قريت الموت مني صار .. بُعداك
يمهدي وبالظهور الحگ عليه

للشاعر : ناظم الحاشي