مرقدك جنه (مكتوبة) - باسم الكربلائي

 

 

مرقدك جـنّه ... يامگصد الناس
سيد محمد ... يا ثـــاني عباس

سيد محمد دخيلك..يالعظيمه أنـسابك
شام عطر الجنه كلمن..شـــم عبير ترابك
التنتخيلك توگف إلهه..ما تعوف احبابك
باب ابوفاضل شفتهه..يبــــو جعفر بابك
شايل بروحك ... من عنده أنفاس
سيد محــــمد ... يا ثـــاني عباس

من علي وارث خصالك..والملامح حامل
واليشـــــكك بيك مٙرّه..هذه حتماً جاهل
صورة للعباس أشوف..بكل جمالك شايل
سيفك بيوم الكٙريهه..مخاوي سيف الكافل
بالشٙـــــبٙه عمك ... بوصافه تنقاس
ســيد محـــمد ... يا ثـــاني عباس

سيدي بتـــــــراب گبرك...الله ســرّه خافي
بوسته جداً عظـــــــيمه...للعـــليل اتشافي
علگمي مايك اظوگه...ماي جنّه و صافي
تشبه العـــباس عٙمك ... هذه كــلـش كافي
تارس الــدنيه ... بأمواج الاحساس
ســـيد مـــحمد ... يا ثـــاني عباس

تدرك البيك ايتمٙسك..يـوم استـــنفارك
أنته ياتاج المضايف..ما ترِد خـــــطارك
الزارو العباس حتماً..هـــــُمّه هم زوارك
بَلَد مبخوته بوجودك..جنّه صارت دارك
اليعـتني لدارك ... رد رافــع الراس
ســـيد محــمد ... يا ثـــاني عباس

و بأسم عبــاس نرفَع...كلمه رددنـــاهه
سيد محمد وفـــــاتك..والله ما ننساهه
بيعه من الغاضــريّه..إلك أديـــــــناهه
سيدي الـ وياك تبقى...يبقى الله وياهه
ها يـ بــاب الله ... بالدمعه ينباس
ســـيد محـــمد ... يا ثـــاني عباس

الكـــون هاي الليله يفگد...ســـيدي أنفاسك
الليله كل معصوم إجالك...عله راسك باسك
بدمعه وترافگهه حسره..يودعونك ناسك
كربــــــله منهه إجوك..احسينك وعباسك
صيحه صحناهه... من راعي الباس
سيـــد مـــحمد ... يا ثـــاني عباس

 

للشاعر : حاتم صبري الكاظمي