بعد ما اعتب عليكم (مكتوبة) - باسم الكربلائي

 

 

بعد ما اعتب علیکم
لاتجوني و لا اجیکم
کربله شمسویه بیکم
کربله شمسویه بیکم

هاي چم لیله التمر و آنه سبیه
ما رجعتو او‌ روسکم رجعت الیه
بعد ادیکم چم حبل لازم ایدیه
او‌بعد ظلکم ناگتي اتظلل علیه
یخوتي اشغیر و‌ضعکم
روس و امتون اجتمعتو
اذني مشتاگه الحچیکم
کربله شمسویه بیکم

الليل یاخذني او‌یردني ابسکتت الناس
هذا راس احسین اخوي او راس عباس
ادری صح میتین بس مامات الاحساس
و الاخو ایحن اعله اخته حته لو راس
وین من خوتکم الگه
امفارگیني او ماکو فرگه
بالرمح لو خفت اجیکم
کربلا شمسویه بیکم

ابنص نهار الله و اشوف اظلم نهاري
روس اخوتي عن یمیني او عن یساري
اوجوهکم سومرت من حر الظهاري
و آنه بُرگع صارلي اتراب الصحاري
حیره بالشمات حرنه
وین چنه او وین صرنه
ابعمري یاعمري اشتریکم
کربله شمسویه بیکم

یاحسین اشما اشوفک یرجع الشوگ
اجر حسره بیهه اکسر خاطر النوگ
یابوفاضل من غیابک صدري مخنوگ
نزلو راسک او شافو رمحه محروگ
علي ابراسک یافقاره
زعل و ‌اشتعلت شراره
ایصبرک احسین ابمشیکم
کربله شمسویه بیکم

جروحي من اعطش حیاة بحکمة الرب
و جعلنا منَ الماءِ اجروح زینب
راس یقرا ام عَجبتُم لیش تعجب
براس اخوي عیون ماکو و مدمعه صب
والله حالتکم عجیبه
بالمسه تضوون شیبه
مو دمع لؤلؤ بچیکم
کربله شمسویه بیکم

اعتذر یخواني گد ما عاتبتکم
امراقبیني اعله الهزل و امراقبتکم
آنه اختکُم و آنه امکُم و آنه بتکُم
الهجر تعبني یخوتي او ‌تعبتکم
انتهت عشرة عمرنه
و ابتدت عشرة کسرنه
و ابقه للموت ارتجیکم
کربله شمسویه بیکم

لا تخافون اعله زینب و انتو میتین
راح اطب للشام و اگلبهه الموازین
یا یزید الیبقه باقي بس الحسین
و اشهد العباس واحد ما اله اثنین
مو حچي احچي زلازل 
یاحُسین و یابو فاضل
ابدي بیکم و انهي بیکم
کربله شمسویه بیکم  

 

للشاعر : حمزة السماوي