ماتت دللول الولد (مكتوبة) - باسم الكربلائي

 

 

ماتت دللول الولد ** والحضن فارغ والمهد
بغيابك مضيعه شمس **يوليدي چف امك برد

عبد الله للشم رگبتك **يوليدي مو مالت جرح
طبع الورد بآخره نفس **ينزف عطر من ينذبح
مناغاتك آذان الخيم **چانت تفززني الصبح
چم شهر عمرك يالولد **واشچم سنه عمر الرمح
كلش ترف نحر الورد **ميت واخافن تنحسد
گمت اهمس بنحرك همس **يوليدي چف امك برد

ماتت دللول الولد ** والحضن فارغ والمهد
بغيابك مضيعه شمس **يوليدي چف امك برد

فوگ الرمح يمه شفت **ينزل سوه الدم والدمع
ويحرك الرگبه الهوه **بس السهم ماينشلع
گاطع ضحكتك يا سهم **تضحكلي بس ماتنسمع
اتمنه اجر بيدي السهم **بس خوفي نحرك ينگطع
فوگ الرمح راسه ابتسم **بس حرك الرگبه السهم
وابالي چم ضحكة عرس **يوليدي چف امك برد

ماتت دللول الولد ** والحضن فارغ والمهد
بغيابك مضيعه شمس **يوليدي چف امك برد

گماطين اگمطك يالولد **عبد الله مو واحد جبت
اگماط اشده اعله النحر **خاطر بعد ماتلتفت
نحرك يطيح امن الرمح **لو ضربوا اگبالك اخت
نحرك فلا يثبت اذا **باگوا تراچيهن شفت
فوگ الرمح ماتنتظر **لو جر تراچيها الشمر
وادري الدمع ماينحبس **يوليدي چف امك برد

ماتت دللول الولد ** والحضن فارغ والمهد
بغيابك مضيعه شمس **يوليدي چف امك برد

يوليدي للزهره اعتني **والمحسن اهوايه انتظر
تلوليلكم خاطر سوه ** هم عمره مثلك چم شهر
بالباب كسرولچ ضلع **والطف ظهر لأمي كسر
صدر الحسين بكربلا **الخيل بي حفرت حفر
وبصدره نابت چم سهم **بس عينه ضلت عالخيم
شيصير بخيامه يحس **يوليدي چف امك برد

ماتت دللول الولد ** والحضن فارغ والمهد
بغيابك مضيعه شمس **يوليدي چف امك برد

گللها مشتاق انشبگ **ماغمضت بالطف جفن
والرمل حار بكربله **وعالغبره باقي ابلا دفن
واحسين طعنات انترس **واسهام بيه ماينحضن
ماسالم بجسمه كتر **كل ما اشبگه ايضل يون
ما غمضت ليل وصبح **ياذيني اذا انام الرمح
وفراشك اذكر بي امس **يوليدي چف امك برد

ماتت دللول الولد ** والحضن فارغ والمهد
بغيابك مضيعه شمس **يوليدي چف امك برد

 

للشاعر: علاء العيساوي