صفاتي عباس ثاني (مكتوبة) - باسم الكربلائي

 

 

صفاتي عباس ثاني **ازلزل الكوفه واني **حيدري
ازعل السيف وازعل ** يطوعه هيهات انذل**حيدري
هاي فرصه اشتريها ** دوم راسي يعله بيها ** حيدري

اليكم رسول احسين ** متعله الحواجب عين
اناشد كتبكم وين ** بديكم كتبتوها
سعرها الضماير بيش ** غدرتوا محمد ليش
عليمن جمعتوا الجيش ** مواقف تعيدوها
صحيح الجيوش اهواي ** حسبتوا اذل ابهاي
نسيتوا الصميده اوياي ** عجب ما حسبتوها
نسيتوا صولات خيبر **امثل اليوم حيدر **من زعل
عيونه سجيل تمطر ** فقاره نصين يشطر **من زعل
هاي شده واحتويها ** دوم راسي يعله بيها

صفاتي عباس ثاني **ازلزل الكوفه واني **حيدري
ازعل السيف وازعل ** يطوعه هيهات انذل**حيدري
هاي فرصه اشتريها ** دوم راسي يعله بيها ** حيدري

يطوعه الجيوش اتريد ** اصافح ادين ايزيد
ولوني لأن او حيد ** خسوا مايذلوني
اباوع يمين اشمال **نساء بثياب ارجال
سيوف ابچفوف انذال **حقيقه او يجهلوني
بنينه اوطبعهم فوس ** عليهم جوادي ايدوس
شياطين اشوف الروس ** محمد يشوفوني
يطوعه محتاج واهس** تراني ماشوف فارس**بالوغه
فصيلة الغيره دمي **اغازل اليوم عمي **بالوغه
الموت مهره اعتليها ** دوم راسي يعله بيها

صفاتي عباس ثاني **ازلزل الكوفه واني **حيدري
ازعل السيف وازعل ** يطوعه هيهات انذل**حيدري
هاي فرصه اشتريها ** دوم راسي يعله بيها ** حيدري

سكوتي صفير انذار **كلامي عواطف نار
هجومي مسافة ثار ** اسجل بطولاتي
يمسلم مكارم نول ** سكوت العساكر گول
كأني علي ويصول **صريح ابجواباتي
ضميري يگول ارتاح ** بذاني اميري صاح
يمسلم قصرهم طاح **يحوبة معاناتي
يحامي الحسين صدري **يلزمه عباس ضهري **من انا
اشوف ابو احسين يهجم ** امامي والحمزه يردم**من انا
والمنيه اني اجيها **دوم راسي يعله بيها

صفاتي عباس ثاني **ازلزل الكوفه واني **حيدري
ازعل السيف وازعل ** يطوعه هيهات انذل**حيدري
هاي فرصه اشتريها ** دوم راسي يعله بيها ** حيدري

عيون الحسين اوياي **اشوف الصحاري ماي
اشوف الطفوف ابهاي **بداية مصايبنه
تريد السفاره احيود **تريد الشريعه ازنود
عطاشا تموت اورود **عرايس حرايبنه
مشيب المعارك شاب **بعدنه ليوث الغاب
تره احنه قلعنه الباب **افهموا عجايبنه
بعدنه بالحومه نزئر **وابونه معروف بالكر**يا علي
بعدنه بس غيره ننزف **بعدنه للموت نهتف **يا علي
وين باب القالعيها **دوم راسي يعله بيها

صفاتي عباس ثاني **ازلزل الكوفه واني **حيدري
ازعل السيف وازعل ** يطوعه هيهات انذل**حيدري
هاي فرصه اشتريها ** دوم راسي يعله بيها ** حيدري

لون ياحسين اهناك **سفير او كفيل اوياك
نجيب الشريعه واهلك **تقبل تحياتي
الشريعه اوقصرهم صار **يشبهن يمين ايسار
نقرر نموت احرار **اضح قراراتي
اطشهم بديه ارماد **صواعق ثمود او عاد
دجيبوا مزيد اعداد **اجرب مهاراتي
اجاكم الموت الاحمر **اجاكم ابريح صرصر **لامفر
عليكم الباب ينسد **زلمكم اتريد مشرد **لا مفر
صوله للطف ابتديها **دوم راسي يعله بيها

صفاتي عباس ثاني **ازلزل الكوفه واني **حيدري
ازعل السيف وازعل ** يطوعه هيهات انذل**حيدري
هاي فرصه اشتريها ** دوم راسي يعله بيها ** حيدري

ابد ما يضمني ليل **اخلي ضهرهم خيل
اذبهم حجاره ابسيل **عذابي اراويهم
حكمهم سوالف يوم **حكمنه يشيعه ايدوم
مناير تغطي اغيوم **اذلهم وابيهم وابجچيهم
مزاري لفوگ ايصير **قصرهم معالم بير
صفار القباب اينير **واضيع اساميهم
مناره عالغيم تعله **ضريحي باليف هله **مرحبه
تراني بالباب ناطر **انادي يالجيت زاير **مرحبه
روح للطف مر عليها **دوم راسي يعله بيها

صفاتي عباس ثاني **ازلزل الكوفه واني **حيدري
ازعل السيف وازعل ** يطوعه هيهات انذل**حيدري
هاي فرصه اشتريها ** دوم راسي يعله بيها ** حيدري

جمعكم بدد ويروح **خرقتوا سفينة نوح
جزاكم زهيق الروح **نتيجة جريرتكم
اوكر عليكم موت **اسجل بذنكم صوت
قبل لا يفوت الفوت **افهموا عقوبتكم
دفعكم غرور ابليس **قياي الهلاك ايقيس
اجيكم وانا عريس **زفافي هزيمتكم
انزل الروح واصعد **اشبها نيران وابرد **وابتسم
افحط الخيل وفزع **اظم الاكوان واطلع **وابتسم
هاك اسمع مايليها **دوم راسي يعله بيها

صفاتي عباس ثاني **ازلزل الكوفه واني **حيدري
ازعل السيف وازعل ** يطوعه هيهات انذل**حيدري
هاي فرصه اشتريها ** دوم راسي يعله بيها ** حيدري

 

للشاعر: السيد عبد الخالق المحنه