أولى طاعتها - فيديو (مكتوبة) - باسم الكربلائي

 

 

أولى طاعتها بعد الرب فرض أولى
بالكوثر إمأيدها
واضح دليل العدها
شكوى ضد اهل الضلاله قدمتها أم الحسن
والشهود البيها كشفت كل دلالات الفتن
خالفو أمر النبوه وطاعو اتباع الوثن
وأهل السقيفه الناصبه
والنصبت مو صاحبه
بأمر الخلافه الكاذبه
أمة الاسلام ضلت من عهدهه إمقسمه
أمره خانو الباري وخالفو أمره
من خالفو والدها
واضح دليل العدها
من بعد هاي الجريمه صار مسموح القتل
وبعد قتل المحسن أصبح سهل مقتل اي طفل
وطفله من ظهر النبوه تصعد بظهر الهزل
بيها أصبحو آل النبي
مثل الاجانب تنسبي
للاسر بيد الناصبي
والحسين ضلوعه تمسي بخيل أميه إمهشمه
دمعه للباري تشكي بكل زمن دمعه
وإنسبت بت سيدها
واضح دليل العدها
بابها المحروگ يشهد عالجمع بيده الحطب
عالغصب حق الزچيه وبيده كل حق إنغصب
اومن ظربها بسوطه يدري بيده وجه الله انظرب
وإلي سلب حگها ابفدك
إبكل الجرم هذا إشترك
لو بالصلاه عمره انهلك
ينحشر بالنار خانع ويه ربعه المجرمه
جمره بالگلب ضلت تشتعل جمره
لتضن دمع يخمدها
واضح دليل العدها
طعنة البسمار چانت أبد موطعنة ألم
چانت أول قوس يظرب صدر ابو الزهره إبسهم
وهاي دوسه بگلب حيدر هاي مو زلة قدم
والمصطفى بظهره انطعن
من لبسو فاطم چفن
من ظلمو حسين وحسن
والعظيمه ام المصايب من زغرهه إميتمه
طعنه شاهدهه بالطف بالظهر طعنه
ويه اليتم موعدها
واضح دليل العدها
شاهد الاول قضيه الخالفت أمر الوحي
ظلع حافظ گلب فاطم وإنطحن طحن الرحي
حاولو يمحوها لكن ربها يرفض تنمحي
ندري وأكيد إبهالوضع
يا باب لوما تندفع
ماكسرت الفاطم ظلع
شلون ترجع گلي شكوى إنرفعت إبچف فاطمه
دعوه ماترجع إبچف فاطمه دعوه
والباري من ينشدها
واضح دليل العدها

 

للشاعر : ناظم الحاشي