إبجرحي أبدي (مكتوبة) - باسم الكربلائي

 

 

إبجرحي أبدي .. و إنته جدي
نور إطلعت من نور
مثل الضلع مكسور
وإنته جدي
جيتك من واقع مو واقع
متسيد عالناس الواهم
يارحمه إو رجعت للرحمه
ضلت للسيف إو للضالم
من غمضت للموت إعيونك
ظلموا حيدر ظلموا فاطم
لا آنه السالم من شرهم
لا أمي إو لا حيدر سالم
أحچي وكته .. كلشي شفته
من أهلي كل مغدور
مثل الضلع مكسور
وإنته جدي
أبديلك بيمن ياجدي
و آنه إبگلبي إجروح إو نار
هجموا يالمختار إعلينه
هجمة واحد يطلب ثار
أحچيلك بأمي العصروها
لو أحچي إبذاك البسمار
ضل حيدر مكسور إجناحه
ما جرد سيفه الفقار
حل قضيته .. يم وصيته
من حضرتك مأمور
مثل الضلع مكسور
وإنته جدي
من دفعوا عالحايط أمي
واحد چنه إو طحنه إثنين
إتمنيت أسندها إب طيحتها
بس جدي إزغار الچفين
أنضرها إو ما تگدر تنظر
چي مسطوره إو حمره العين
ما يتوصف حال الزهره
چانت وين إو صارت وين
تحچي و إتون .. يبني محسن
صار الوضع مخطور
مثل الضلع مكسور
وإنته جدي
إبهذا الموقف وإتشابگنه
شبگة ملگه إو صار إوداع
صارت يابو القاسم روحي
بين السمه إو بين الگاع
ما شابع من حضن البضعه
ما شابع من عمري الضاع
شمسوي إعداي إيكتلوني
أخذوا عمري إبساع إبساع
وإنته غايب .. ماكو صاحب
أمسه الگلب مفطور
مثل الضلع مكسور
وإنته جدي
أشكيلك من أهل الفتنه
من أخذوا حيدر مچتوف
من غصبوه إيبايع لازم
ذاك الغدار المعروف
دور بيهم ذرة نخوه
عاين كل الناس إسيوف
حتى اليرجف من إخياله
أصبح يغدر عالمكشوف
ماكو صالح .. بس مصالح
نام العدو مسرور
مثل الضلع مكسور
وإنته جدي
بيتك ذاك الچان إمضوي
يا جد أصبح بيت أحزان
بيبابك جدي المفتوحه
للمحتاج إو للحيران
أمست وإعيونك محروگه
ماسلمت من النيران
باچر بالمحشر شيگلك
ذاك إفلان إو ذاك إفلان
گلبه مرتد .. وجهه أسود
عن كلشي ما معذور
مثل الضلع مكسور
وإنته جدي
يا جدي القصه إو مابيها
معروفه إو أدري الأسباب
بغضا كل الصار إبحيدر
مذهولين إبليث الغاب
وادم عميه إو شافت منصب
ماتستاهل حتى إعتاب
يالمختار إعيون الضيگه
ما يترسهن إلا إتراب
مهمه يحصل .. حيدر أول
و الحق معاه إيدور
مثل الضلع مكسور
وإنته جدي
يابو الزهره إبروح الزهره
مني إسمع آخر مضمون
لإعداي أطلب منك هايه
مرتين إحساب إيشوفون
الأول يمك بالمحشر
و أنضرهم من إيلوعون
والثاني إبصولات المهدي
لأهل البيت إيكحل إعيون
دعوه رايد .. لأغله واحد
تشفه إبظهوره إصدور
مثل الضلع مكسور
وإنته جدي

للشاعر : سجاد علاء المحمداوي