ها يا جدتي (مكتوبة) - باسم الكربلائي

 

 

ها يا جدتي شلونج
عليمن ضامه عيونج
يزهرا
وجع بسمارج مقدره
بس المشكلة السطره
يزهرا
يزهرا .. يزهرا
حضرت الحادثة الصعبة
جبت كل البچي متاع
شفت حيتان مسمومه
تريد تهاجم شراع
گمر ما مكتمل بعده
بگه يرافس على الگاع
شفت زينب بديها تگص
شريط الهم والوداع
تشاهد امها محنيه
وانا تراولي مسبيه
صحت آه
بدت منا مصيبتها
لمن دفعوها حبيبتها
صحت آه
صحت آه .. يزهرا
شفتهم رسموا الخطه
بدوا بنطون الادوار
واحد يكسر ضلوعج
واحد يحرگ الدار
والاخر من دخل بيتج
چنه يطلبج ابثار
شال ايده ودرت وجهي
لإن ما احمل الصار
شعاين والدمه بإيدج
او وگع من حظنج وليدج
الولد مات
فداج بعمره وبنبضه
صوتج صاح يا فضه
الولد مات
فگدناه .. يزهرا
اعله شتمج كلفوا واحد
واليرفسونج اثنين
بگيت الطم على عيوني
عميت وما شفت زين
لفظت انفاسي يا جده
صحت درب الهوه منين
أول مره گدامي
اشوفه يطيح الحسين
شفت ايده على ظهره
بگيت اتمعن ابنحره
حلو اهواي
وركض ليچ الحسن وحده
يواسيج ويكض چبده
حلو هواي
وعلي وياه .. يزهرا
طلع مكسور يا زهره
و يعاين بين الوجوه
وكت خلاهم امن ايده
لسقيفتهم يگودوه
منو يصدگ علي بگبره
يشتمونه ويطعنون
اصعب شي على الفارس
يعيش اويه اليغدرون
استغلوا حيدر اموصه
رجع وبگلبه الف غصه
على الصار
ابعظمته وقوته وصيته
گعد يبچي على ام بيته
على الصار
كتب لا .. يزهرا
يجده اوداعة عيونج
خذت عافيتي الايام
منا كسرة ضلوعج
ومنا نكبة الشام
منا دوسة الحافر
ومنا حرگ الاخيام
ومنا طيحة الكافل
ومنا صوت الأيتام
إلج بيه ألف عصره
بديه من الخيم جمره
معاناة
أنام وكربله بعيني
أفز ضلعج يلاگيني
معاناة
معاناه .. يزهرا
شنو من احساس يخطرلك
اذا شفت امك تلوع
تحاول تجمع انفاسك
يفضحك سيل الدموع
صرت وي كل نفس اسمع
كسر بيبان وضلوع
اذا من حگي لو اصرخ
يناس هواي موجوع
لا أم لا أبو عندي
غريب اتألم لوحدي
تمنيت
كون امي ترد هسه
واگلها ما گدرت انسه
تمنيت
ألف آه .. يزهرا
ألا يا أيها العالم
اذا رب العرش شاء
أطلعهم واحاسبهم
واسميهم بالاسماء
واشوف الدنيا خستهم
وارد ادفنهم احياء
واخلي اهل الارض تهتف
مدد زهراء زهراء
يجده انطيج احجايه
اخط ثارج على الرايه
الى الثار
يصير اكبر صرح گبرج
يمن عمري على عمرج
الى الثار
بالاسما .. يزهرا

 

للشاعر: سيد رفعت الصافي