كفاك إصطبارك (مكتوبة) - باسم الكربلائي

 

 

كفاك اصطبارك .. حشاك اعتذارك
زعل من هضمته .. يحيدر فقارك
سكوتك عجيبه .. جوابك مصيبه
حشاك اعتذارك
علي يالحارت املاك السمه بأمرك
بس الله ورسوله اليعلم بقدرك
سفينة نوح مسراها بده بذكرك
غرگت يا علي لو ما سعة صدرك
فقارك ما تعود يستمع عذرك
ولا وكت الشدايد گيده صبرك
يلوح ابيمنك .. فخور بيقينك
جبت كل حياتك .. حريص اعله دينك
يليث الكتيبه .. جوابك مصيبه
حشاك اعتذارك
علي الحاله الندور عن جواب الها
ولا عاقل البينه الگدر يقبلها
والمثلك نگول اشلون يحملها
وديعه من خليلك وانته كافلها
بوجودك حزينه دموعها تهلها
يا حامي الدخل غيرك بعد شلها
يبحر المناقب .. يأشجع محارب
لمسنه اعله ايدك .. ظهور العجائب
عجائب رهيبة .. جوابك مصيبه
حشاك اعتذارك

يال بس الرسول والله بيك اعرف
خصيمك والزمان وياك ما انصف
يدفع باب دارك من قبل يا چف
جوابك من دمع عين البتول اكلف
معقوله خذوك وراسك امكشف
وابلامة فقارك يا علي امجتف
بجلالة مقامك .. وجوب احترامك
ردت بالوصية .. تأدي التزامك
قضيه عصيبه .. جوابك مصيبه
حشاك اعتذارك

يالي بنار الغضب تتجادح عيونك
وصاك النبي وگلك على هونك
اصبر يا علي كلما يراونك
الخانت بالرسول اتغدرك اتخونك
واذا داعيت عن حقك يكفرونك
سفاك الدمه باجر يسمونك
التدور مناصب .. فلا عدها صاحب
جميع التبغضك .. شراذم نواصب
مواقف مريبة .. جوابك مصيبه
حشاك اعتذارك

يالخطوة جدم بالحومه ما تدبر
مقبل عالرماح وانته مستبشر
ويا من للخواطر كل وكت تجبر
كسرة خاطرك عالبال ما تخطر
لو ايوب مثلك ما گدر يصبر
صبرت وما صحت ياربي مسني الضر
حليلة حياتك .. عليمة بصفاتك
تحشمك تريدك .. تلفها ابعباتك
عفيفة ونجيبه .. جوابك مصيبه
حشاك اعتذارك

شريكة عمرك اتريدك تودعها
تون ونة دفن والضلع يوجعها
رعايه الخاطرك نشفت مدمعها
شعدها من وصيه يا علي اسمعها
ابليل اظلم تريدك من تشيعها
الوالدها الوديعه گوم رجعها
على كبريائك .. تغلب بكائك
جبل وابدفنها .. بديت انحنائك
دليلك نحيبه .. جوابك مصيبه
حشاك اعتذارك

ابگبرها ونادتك يالغالي لا تنحب
مصابك من مصابي ياعلي اصعب
وامصاب الحسن والچبد المصوب
وحسين الذبيح وجسمه المسلب
ابسرعة ارجع الدارك عندي الك مطلب
من النوم فزت ياعلي زينب
يتيمة عذابج .. وريثة مصابج
تخلص عمرها .. حزينه ابغيابج
سبية وغريبة .. جوابك مصيبه
حشاك اعتذارك

 

للشاعر: السيد سعيد الصافي