عوف الصبر (مكتوبة) - باسم الكربلائي

 

 

عوف الصبر لهل الصبر
واجزع على صوت الكسر
منهي الدفنها حيدره
الزهره لو ليلة قدر
عيش الوضع وتصوره
خل دمعتك حمره
لا تبخل بعبره
تستاهل الزهره
والطم لحد رض الصدر
عالنايبه العظمى
لا تبخل بلطمه
اي والنبي هظمه
والونه حد كطع النفس
يالما الك منه
لا تبخل بونه
للمجلس اتعنه
خلي الجفن ينزل دمه
تستاهل أكثر فاطمه
هي المشت للمقبره
الزهره لو ليلة قدر
ام النبي وروح الوصي
كل دنيته وناسه
افكاره واحساسه
نبضاته وانفاسه
هاي العظيمه الطاهره
هظموها ظلموها
سطروها عصروها
يا ويلي شتموها
مدري شكبر صبره علي
ويعاين الحاله
وعيونه هماله
والسكته جتاله
هذا الوضع يا سائلي
محد يحمله بس علي
تلگه الجواب بناظره
الزهره لو ليلة قدر
هاي التحضرك بالگبر
بالمحشر تحضرك
بالمجلس تنظرك
لمن تدگ صدرك
بالك تميل ويه الهوه
وبلحظه تنساها
وتجامل اعداها
ما تكسب ارضاها
والباري ما يرضى أبد
لو ما رضت هيه
لا تخلف النية
والدنيه مكضية
انحب على كسر الضلع
لا زال اكو ابعينك دمع
واللي صفت تحت الثرى
الزهره لو ليلة قدر
اول شهيده فاطمه
بالعصره تتعذب
تتحمل الاصعب
والنصرة المذهب
شافت دمع حيدر نزل
صاحت له يالوالي
لا تهتم ابحالي
يفدالك الغالي
لا تنهضم يا ابا الحسن
مسموعه وناتك
وهوايه شماتك
ذبحتني دمعاتك
صورة حزن ما تنمحي
مرسومه بجناح الوحي
بس بالمدامع تنقره
الزهره لو ليلة قدر
دافع لحد گطع النفس
عادي الذي عالوا
گوم الذي مالوا
لا تسمع اشگالوا
واشلعهن اوتاد الصبر
حد الجزع تجزع
واذكرها واتلوع
لا تسكت وتهجع
هيه الشرف كل الشرف
تستاهل المنحر
وأكثر بعد وأكثر
والموعد المحشر
هي النجاة امن الخطر
والما يواسيها خسر
تحضرنه دنيه واخره
الزهره لو ليلة قدر
موجوده بالمجلس ترى
تكتب اساميكم
تسمع بواچيكم
باجر تجازيكم
والما وفه وياها العهد
والدنيه شاغلته
باع برخص ذمته
الزهره كارهته
افهمها واحسبها عدل
لتغيرك حچايه
والتبغض هوايه
لا تكسر الرايه
هاي الرضية الراضية
والطاهرة والزاكية
والحايره والصابره
الزهره لو ليلة قدر
هاي الزجيه بكل وكت
ونتها مسموعه
ما خفت اللوعه
عالداسوا اضلوعه
وتنادي يآلمني الكسر
مو كسرة اعظامي
يا شيعة الامي
ابني انذبح ظامي
نايم تحت شمس الظهر
متغيره الوانه
وشفافه ذبلانه
وعالمشرعه الوانه
شفت النحر من انكطع
شفت ابرمح راسه انرفع
واللي بجت يم منحره
الزهره لو ليلة قدر

 

للشاعر : سيد عبد الخالق المحنه