ثار (مكتوبة) - باسم الكربلائي

 

 

ثار    ضلع المكسور ‏
ثار    هام المطبور ‏
ثار   نحر المنحور ‏
وانا انتظر ليل نهار .. اترقب اليوم الثار ‏

يا يمه ليلي بلا گمر ‏
واجفوني تعبها السهر ‏
والدمع منهن جاري
گلبي تشظه امن القهر ‏
لمصيبتچ ظهري انكسر
والحزن ساكن داري
اقسملج ابرب البشر
ابنچ المهدي المنتظر
منتظر اذن الباري
ما دام گبرج ماله اثر
ما يحل لعيوني البصر
وانچوي بحمرة ناري
يوم   اصعب من يوم
يوم   حارمنه النوم
يوم   هجمت هالگوم
كسر الضلع بالبسمار .. اترقب اليوم الثار ‏

من طبرتك يابا الحسن
اجفوني من دمعي ارتون
شيب الراس اغيابك
يالفگدك ابصدري اندفن
وانعاك يا محيي السنن
كل لحظه انوح امصابك
اشما طالت أيام الزمن
لازم ارد لرض الوطن
واتعفر امن اترابك
وانصب محاكم بالصحن
وابسيفي اقتل كل وثن
من سيفه دمه اخضابك
ريت   اظهر بلواك
ريت   اهتف وياك
ريت   اظفر بعداك
بالعلن مو بالأسرار .. اترقب اليوم الثار ‏

جروح الگلب متراكمه
وعالخد مدامع ساجمه
صبح ومسيه اتألم
من اجت جعده الظالمه
تقتل حبيب الفاطمه
ومن سمها حيله اتهدم
هاي الأيادي الآثمه
الظلم الحسن متحاشمه
كل عمره خلص بالهم
ابنك وحگ حامي الحمه
ياخذ الثار ابصارمه
وكل باغي گبرك هدم
سيف    ابنك بتار
سيف   من ذو الفقار
سيف    ما يترك ثار
لگبور أهلنا الأطهار .. اترقب اليوم الثار ‏

ثارات بالطف تنتظر
وانا انتظر فوگ الجمر
اقسم ابلوعة چبدك
أطفالك اسمع تحتضر
عطشانه وابحر الظهر
تبچي وتنوح ابسدك
يا محنتك يبن الطهر
هالخيل لخيامك تجر
يا وسفه وصلوا حدك
والحرم حارت بالستر
تنشد ابمدمع منهمر
يا هو الحمه من بعدك
نوح    بنت الزهراء
نوح    صوت الحوراء
نوح    بين الاشلاء
بدموعه جدي المختار .. اترقب اليوم الثار ‏

آلامي فاقت كل ألم
وبا ريت هالعالم عدم
وتفصم عروة صبري
من شفتك الحيل انهدم
شابگ على المنحر سهم
وعالترب دمك يجري
والظهر من عندي انجسم
ونيران واطفال ابخيم
وين الوجه ما تدري
عالنهر مطروح العلم
والكافل ايشوف الحرم
والشمر بيهن يسري
موت    اهون للروح
موت    لجل المذبوح
موت    للمملي جروح
لجل السبايا الأبرار .. اترقب اليوم الثار ‏

ثارات عندي امجمعه
أول شعار الأرفعه
يا لثارات الزهره
وطبرة ابونا الفاجعه
والحسن روحه املوعه
بالطشت چبده اينظره
والروه ابدمه المشرعه
هو واخوته الأربعة
طاحوا سوه اعله الغبره
وثار اللي رضوا اضلعه
ومن ايده گطعوله اصبعه
وثارات عمتي الحره
دين    عالمهدي الدين
دين     ثارات حسين
دين    راعي الچفين
ولم البنين الاقمار .. اترقب اليوم الثار ‏

يا شيعه آنا اعله العهد
واترقب اليوم الوعد
تنتكس راية كل جور
كل ثائر ابهالمعتقد
عون الأمام ومعتمد
وبجيشه حتما مذكور
ذاخركم اليوم الشدد
نرفع شعار وللأبد
ما ننسى ثار المنحور
بتاري للثار استعد
وين الـ على الساتر صعد
ياخذ مدد من عاشور
كون    تسمعنه الناس
كون    ما نحني الراس
كون    بالطف ينقاس
دم شيعتك يالكرار .. اترقب اليوم الثار ‏

 

للشاعر : ابو محمد المسعودي