يرهب حروب الموت (مكتوبة) - باسم الكربلائي

 

 

يرهب حروب الموت .. حامي الحميه
بعيونه شاف شلون .. هضم الزجيه
وابحيره حامي الجار
بين الصبر عالصار
بين الوصيه
الموت يخاف اذا حيدر يطب غاره
وتصير الحومه لو مر اسمه طشاره
عجيبه اتدوس اشباه الزلم داره
السبب لنهم دروا مغمود فقاره
لو ما علي الكرار .. متوصي سيفه
داس اعله روس اصحاب .. أهل السقيفة
والد أبو الأحرار
بين الصبر عالصار
بين الوصيه
اسد ويموت الابطال لو بس صاح
لچن طوفان حزنه ما تحمله أرواح
من شاف الضلع مكسور حن وناح
گام وبالوجه عالگاع حيدر طاح
بعيونه ما ظل شاف .. وأظلم نهاره
ذاكه اليموت الموت .. بان انكساره
وبگلبه جمرة نار
بين الصبر عالصار
بين الوصيه
علي البس الله والهادي ايعرف سره
وصبر أيوب گطره من بحر صبره
معجم للمعاجز لاچن الكبرى
معجزة الصبر عالعصروا الزهره
اصعب ظرف يا ناس .. مر اعله حيدر
بعيونه شاف الكون .. ضلعه ايتكسر
عزم الصميده انهار
بين الصبر عالصار
بين الوصيه
داحي الباب گلبه من الألم نصين
شاف ضلوع مكسوره وسطر بالعين
حسن شابگ صدرها ويم جدمها حسين
وزينب لو جبل يذبل لجلها يلين
من اصعب اللحظات .. هاي المسيه
من غسل الكرار .. بيده الزجيه
ايصب الدمع مدرار
بين الصبر عالصار
بين الوصيه
من أعجب عجايب هالفلك كله
صوت اجبن بشر يم الوصي يعله
يصيح وناره فوگ الزهره مشتعله
اليوم احنه وبعدنه حرمله ونبله
ضلوع الطهر يا حيف .. هشمها بيده
كلما يصير اليوم .. بالطف نعيده
مستعجل اعله الثار
بين الصبر عالصار
بين الوصيه
المصايب عالوصي متفصله تفصال
وتزلزل حيله ال بسوح الحرب زلزال
دفن روحه او حياته ابدفنة ام الآل
على الدنيا العفه بعدج يفاطم گال
بس الله يدري شلون .. گلبه ايتچوه
ظهره انحنه الفرگاج .. ظل يمشي گوه
وبضلوعه ألف بسمار
بين الصبر عالصار
بين الوصيه
قرآن وصحف حزنانه عالأنزع
اتواسيه اعله الزجيه وتهمل المدمع
وعزاء اهل العزم عالخد حزن يطبع
بأفلاك السمه نوح ولطم تسمع
زينب يبو الحسنين .. عينك عليها
مسبيه راح تروح .. مجتوفه اديها
للطف بده المشوار
بين الصبر عالصار
بين الوصيه

 

للشاعر: ابو زينب العبادي