لينه يملك الموت (مكتوبة) - باسم الكربلائي

لينه يملك الموت رجعها رجعها
عدنه امانه حسين ودعها ودعها

ماخذ رقية ابجرح بلواها
واشافت ابأيام دنياها
عدنه امانه حسين خلاها

زينب أفراگ الطفله يفجعها يفجعها

هالطفله بس چم يوم خليها
من ترجع الكربله اواليها
يم گبر ابوها حسين مر بيها

خيصير يم عبدالله مضجعها مضجعها

عاين يـملك الموت حالتها
بالسوط مجروحه طفولتها
تندفن تالي ابهاي غربتها

يم قصر أمية الجرحه روعها روعها

بس عـالدلال حسين علمها
وشصار بيها ابحرگة اخيمها
ما بين نار وسوط يهضمها

اشلون الترافة النار تلسعها تلسعها

اجروح الحسين الف وتسع ميه
زائد جرح غربة المسبية
وجه البراءة ايغيب تاليه

وابفرگتة العايله إيصدعها إيصدعها

شبگت الراس اتشوفها انته
منظر وداع الطاهرة أذكرته
چفها طلع من الكفن شفته

من العيون إيسيل مدمعها مدمعها

راس الحسين اعيونك اتصدله
آخر نفس بي شمته الطفله
ما اجه ابراس عبدالله

من قبل ما وردتها تگطعها تگطعها